Parlament Májilisiniń depýtaty Berik Ábdiǵalıuly «TALQYLAU» pikirtalas alańynyń alǵashqy otyrysynda Memleket basshysynyń Joldaýynda aıtylǵan ózgerister jaıly pikir bildirdi, dep habarlaıdy «Adyrna» tilshisi.
«Memleket basshysy qańtar aıyndaǵy úndeýinde bul Joldaýyn kúzde jasaımyn degen edi. Biraq elimizdegi ahýaldyń tez ózgerýine baılanysty Prezıdent Joldaýyn shuǵyl naýryzda aıtýǵa sheshim qabyldady. Biraq bul usynystar burynnan beri daıyndalyp kele jatqan. Buny saılaý kezinde de aıtqan. Biraq qańtardan keıin elimizde ahýal ózgerdi», - deıdi Berik Ábdiǵalıuly.
Ol sóz arasynda áli reformalar bolatanyn, sebebi muny halyq talap etetinin jetkizdi.
«Qazir saıası bılik túgeldeı Memleket basshysynyń qolyna tıdi. Qaýipsizdik keńesi de, partııa da, assambleıa da. Iaǵnı, tolyqqandy saıası reforma jasaýǵa Prezıdenttiń múmkinshiligi keńeıdi. Sosyn, halyqtyń talaby kúsheıdi. El ózgeristi burynnan-aq talap etetin. Biraq qańtar oqıǵasynan keıin halyq ózgeristerdi qazir, búginnen talap etip jatyr.
Sondyqtan ózgerister pisip-jetilgeni týraly talaı aıtyp júrmiz. Osy jolǵy Joldaýdy alǵashqy úlken tujyrymdama retinde esepteýge bolady. Onyń ózin men alǵashqy bastamasy dep esepteımin. Áli de reformalar bolady. Óıtkeni muny halyq talap etip otyr. Áleýmettik jeli bolsyn, halyqtyń arasynda júrseńiz de, qaıda bolsyn halyq ózgeristi talap etedi», - dedi Májilis depýtaty.
Onyń aıtýynsha bıýdjetti josparlaǵanda árnárseniń ólemi bolýy kerek.
«Birinshi kezekte ár adamnyń jaǵdaıyna qaraý kerek. Ár aýyldan bastap, bıýdjetti josparlaǵanda árbir tıyn árbir azamatqa, sonyń ólshemi bolýy tıis. Adam – bizde barlyǵyna ólshem. Mine, qazirgi bizdegi naǵyz qaǵıda osy. Soǵan kele jatyrmyz», - dep Berik Ábdiǵalıuly oıyn aıaqtady.
«Adyrna» ulttyq portaly
