كوپ جاعدايدا بءىز اعىلشىن ءتىلىن ۇيرەنۋ ءۇشىن ورىس ءتىلى ارقىلى قابىلدايمىز. ول تۇپكى ماعىنانىڭ بۇرمالانۋى، تىكەلەي اۋدارىلۋى جانە كوپتەگەن تۇپنۇسقالىق مادەنيەتتىڭسەزىنبەۋى نەمەسە ورىس ءتىلى دۇنيەتانىمى شەڭبەرىندە قابىلداۋىنا الىپ كەلەدى. وسى ماسەلەگە بايلانىستى وتاندىق لينگۆيستەر«قازاق-اعىلشىن ءتىلى جانە لينگۆيستيكا»(KELL) ماماندىعىن وقىتۋ باعدارلاماسىن ۇسىندى.
جاڭا ماماندىق تۋرالى حالىقارالىق «قازاق ءتىلى» قوعامىنىڭ پرەزيدەنتى، قر پارلامەنتى ءماجىلىسىنىڭ دەپۋتاتى بەرىك ابدىعاليۇلىمەن بولعان كەزدەسۋدە تانىستىرىلدى.
«قازاق-اعىلشىن ءتىلى جانە لينگۆيستيكا» (KELL)وقىتۋ باعدارلاماسىنىڭ نەگىزگى ماقساتى – ەكى ءتىلدىڭ لينگۆيستيكالىق ەرەكشەلىكتەرىن تەرەڭ مەڭگەرتىپ، سول تىلدەردى ۇيرەتۋدە زاماناۋي ادىستەردى قولدانا الاتىن، ءتۇرلى ورتادا ءوزىنىڭ ويىن ەكى تىلدە دە انىق جەتكىزە الاتىن، باق اياسىندا قاجەتتى داعدىلاردى مەڭگەرگەن، جان-جاقتى ءتىل مامانىن دايىنداۋ.
م.س.ناريكباەۆ كازگيۋ ۋنيۆەرسيتەتى «قازاق-اعىلشىن تىلدەرى جانە لينگۆيستيكا» ءبىلىم بەرۋ باعدارلاماسىنىڭ كوورديناتورى، فيلولوگ اقەركە ساليموۆانىڭ ايتۋىنشا، «وقۋ باعدارلاماسىنىڭ 60% اعىلشىن تىلىندە جۇرگىزىلەدى. بۇل ستۋدەنتتەرگە لينگۆيستيكا سالاسىندا جۇرگىزىلگەن ۇزدىك زەرتتەۋ جۇمىستارىمەن تۇپنۇسقادا تانىسىپ، ونى قازاق ءتىل بىلىمىندە قولدانۋلارىنا مۇمكىندىك بەرەدى. ماماندىققا تۇسەتىن تۇلەكتەردىڭ اعىلشىن ءتىلى دەڭگەيلەرىنىڭ تومەن بولۋ ىقتيمالدىلىعىن ەسكەرە وتىرىپ، باعدارلامانى سوعان ساي قۇراستىردىق. «قازاق-اعىلشىن ءتىلى جانە لينگۆيستيكا» باعدارلاماسىنا قابىلدانعان ستۋدەنتتەر باستاپقى وقۋ جىلدارىندا اعىلشىن ءتىلى بويىنشا وزدەرىنىڭ دەڭگەيلەرىن جوعارىلاتىپ، قازاق ءتىلى بويىنشا مەكتەپ قابىرعاسىندا العان بىلىمدەرىن تەرەڭدەتەدى. ال جوعارعى كۋرستاردا قازاق-اعىلشىن تىلىندەگى بىلىمدەرىن كاسىبي ءجانە عىلىمي تۇرعىدان جەتىلدىرەدى».
جاڭادان اشىلعان ماماندىق كازگيۋ ۋنيۆەرسيتەتى بازاسىندا سوڭعى ەكى جىلدا وقىتىلىپ كەلە جاتىر. ماماندىققا ءتۇسۋ ءۇشىن تالاپكەر قازاق ءتىلى مەن ادەبيەتى پاندەرىن تاڭداۋ كەرەك! سونداي-اق, بولاشاق تۇلەكتەر قازاق ءتىلى مۇعالىمى نەمەسە قازاق فيلولوگياسى باعىتىنا عانا شەكتەلمەي، اعىلشىن ءتىلىن دە تەرەڭ مەڭگەرىپ، شەتەلدىك وزىق زەرتتەۋلەر مەن وقىتۋداعى تاجىريبەلەردى بەيىمدەپ، قازاق ءتىلىنىڭ تابيعاتىن سەزىنەتىن لينگۆيست مامان بولىپ قالىپتاساتىنى ءسوزسىز.
قازاق جانە اعىلشىن تىلدەرىن مەڭگەرگەن مامان ورىس ءتىلىنىڭ كومەگىنسىز قازاق تىلىنەن اعىلشىن تىلىنە ەركىن اۋدارما جاساي الادى. ول قازىرگى تاڭداعى ەڭ كەرەكتى داعدى.
