استانادا قازاقستاننىڭ وتاندىق IT-برەندىنىڭ ميسسياسىن تاعى دا راستاعان حالىقارالىق «Robotek Grand Tournament» چەمپيوناتى اياقتالدى.
بيىل چەمپيونات العاش رەت حالىقارالىق دەڭگەيگە شىقتى، استاناعا وزبەكستان، تاجىكستان، قىرعىزستاننان ۇزدىك كوماندالار ۇشىپ كەلدى. RGT-2024 الاڭىندا سونىمەن قاتار ەلىمىزدىڭ بارلىق ايماعىنان كەلگەن وبلىستىق تۋرنيرلەردىڭ جەڭىمپازدارى باس قوستى.
ءبىرىنشى چەمپيوناتتان باستاپ «Robotek Grand Tournament» الەمدىك ستاندارتتاردىڭ بىرەگەي پلاتفورماسى رەتىندە «دارىن» رەسپۋبليكالىق عىلىمي-پراكتيكالىق ورتالىعى جانە «استانا دارىنى» دارىندى بالالار مەن جاستاردى انىقتاۋ جانە قولداۋ ورتالىعىمەن بىرلەسىپ قۇرىلدى.
بەدەلدى سايىستا جەتىسۋ ءوڭىرى وقۋشىلارى جوعارى ناتيجە كورسەتتى. «سۇرىپتاۋشى روبوت» ساناتىندا ەسكەندىر مىرزاعالي مەن ابدۋلازيز ابيبۋللا، «مەرگەن» ساناتىندا داۋرەن وركەنۇلى مەن باقداۋلەت ايازبايۇلى، «روبوتەك» ساناتىندا نايل سادۋاكاسوۆ مەن امير مىرزاعالي كوماندالارى توپ جاردى. سونىمەن قاتار «ۇزدىك اۋىلدىق كوماندا» بولىپ اقسۋ اۋدانىنان بەكجان مۇحتاربەك مەن رومان پرونياكوۆ كومانداسى تانىلدى. باستى كۋبوك – «ەل كۋبوگىن» – باتىس قازاقستان وبلىسىنىڭ قۇراماسى ورالعا الىپ كەتتى.
ەلىمىزدە مەكتەپ روبوتوتەحنيكاسىن دامىتۋعا جانە «Robotek Grand Tournament» وتكىزۋگە قولداۋ كورسەتتى: چەمپيوناتتىڭ پلاتينا دەمەۋشىسى – Allur اۆتوموبيل كومپانياسى، التىن دەمەۋشىسى – «Sana Sport» وتباسىلىق-سپورتتىق ورتالىعى.
كەلەسى جىلى RGT الاڭىندا امەريكا قۇراما شتاتتارى، قىتاي، تۇركيا، ءازىربايجان، وڭتۇستىك كورەيا، جاپونيا، تايۆان جانە باسقا دا ەلدەردىڭ جاس روبوتوتەحنيكتەرى كەزدەسۋگە نيەتتى.
