رەسەي پرەزيدەنتىنىڭ تۇراقتى دامۋ جونىندەگى ارنايى وكىلى اناتولي چۋبايس ءوز ەركىمەن قىزمەتىنەن كەتتى. بۇل تۋرالى Bloomberg باسىلىمى جازدى، دەپ حابارلايدى “ادىرنا” ۇلتتىق پورتالى.
بىرقاتار باق ونىڭ رەسەيدەن كەتكەنىن مالىمدەدى.
Bloomberg باسىلىمى ەكى اقپارات كوزىنە سىلتەمە جاساپ، چۋبايس "رەسەي پرەزيدەنتى ۆلاديمير ءپۋتيننىڭ ۋكرايناعا سوعىس اشقانىمەن كەلىسپەيتىنىن ايتىپ ءوز ەركىمەن وتستاۆكاعا شىعىپ، ەلدەن كەتتى" دەپ جازدى.
ء"يا. چۋبايس ءوز ەركىمەن وتستاۆكاعا كەتتى. كەتۋ، كەتپەي بۇل ونىڭ جەكە ءىسى", - دەپ ءتۇسىندىردى ءپۋتيننىڭ ءباسپاسوز حاتشىسى دميتري پەسكوۆ.
Bloomberg باسىلىمى 66 جاستاعى چۋبايستى پۋتين ۇكىمەتىندەگى باتىس شەنەۋنىكتەرىمەن تىعىز بايلانىستا بولعان 1990 جىلدارداعى ساناۋلى ەكونوميكالىق رەفورماتورلاردىڭ ءبىرى دەپ اتادى. چۋبايس تۇراقتى دامۋ جونىندەگى ەلشى ەتىپ تاعايىندالعانعا دەيىن ءىرى مەملەكەتتىك كومپانيالاردا باسشىلىق قىزمەتتەردى اتقارعان.
بۇعان دەيىن جۋرناليست جانە تەلەجۇرگىزۋشى ۆلاديمير پوزنەر ءبىرىنشى ارنادا اناتولي چۋبايسپەن بولعان سۇحباتتى ەسىنە الدى. جۋرناليست چۋبايستىڭ رەسەيلىكتەردىڭ وعان دەگەن جەككورۋشىلىگى تۋرالى سۇراق قويعان كەزدەگى ەرەكشە ارەكەتىن ەستە ساقتاپ قالعانىن ايتادى.
"بۇل ماسەلە ونى قاتتى تولعاندىرادى. وسى سۇراقتى قويعاندا بەت الپەتىنىڭ، داۋىس ىرعاعىنىڭ جانە ءتۇرىنىڭ بۇزىلىپ كەتكەنىن ەسىمە ءتۇسىردىم", - دەدى تەلەجۇرگىزۋشى.
”ادىرنا” ۇلتتىق پورتالى
