Reseı prezıdentiniń turaqty damý jónindegi arnaıy ókili Anatolıı Chýbaıs óz erkimen qyzmetinen ketti. Bul týraly Bloomberg basylymy jazdy, dep habarlaıdy “Adyrna” ulttyq portaly.
Birqatar BAQ onyń Reseıden ketkenin málimdedi.
Bloomberg basylymy eki aqparat kózine silteme jasap, Chýbaıs "Reseı prezıdenti Vladımır Pýtınniń Ýkraınaǵa soǵys ashqanymen kelispeıtinin aıtyp óz erkimen otstavkaǵa shyǵyp, elden ketti" dep jazdy.
"Iá. Chýbaıs óz erkimen otstavkaǵa ketti. Ketý, ketpeı bul onyń jeke isi", - dep túsindirdi Pýtınniń baspasóz hatshysy Dmıtrıı Peskov.
Bloomberg basylymy 66 jastaǵy Chýbaısty Pýtın úkimetindegi Batys sheneýnikterimen tyǵyz baılanysta bolǵan 1990 jyldardaǵy sanaýly ekonomıkalyq reformatorlardyń biri dep atady. Chýbaıs turaqty damý jónindegi elshi etip taǵaıyndalǵanǵa deıin iri memlekettik kompanııalarda basshylyq qyzmetterdi atqarǵan.
Buǵan deıin jýrnalıst jáne telejúrgizýshi Vladımır Pozner Birinshi arnada Anatolıı Chýbaıspen bolǵan suhbatty esine aldy. Jýrnalıst Chýbaıstyń reseılikterdiń oǵan degen jekkórýshiligi týraly suraq qoıǵan kezdegi erekshe áreketin este saqtap qalǵanyn aıtady.
"Bul másele ony qatty tolǵandyrady. Osy suraqty qoıǵanda bet álpetiniń, daýys yrǵaǵynyń jáne túriniń buzylyp ketkenin esime túsirdim", - dedi telejúrgizýshi.
”Adyrna” ulttyq portaly
