قاڭتار وقيعاسىنان كەيىن قازاقستان پرەزيدەنتى قاسىم-جومارت توقاەۆ پەن ەكس-پرەزيدەنت نۇرسۇلتان نازارباەۆتىڭ اراسىندا وتكەن كەلىسسوز جايلى بەلگىلى بولدى، دەپ جازادى "ادىرنا" ۇلتتىق پورتالى orda.kz-كە سىلتەمە جاساپ.
بۇل تۋرالى «رپۋ «دانك» Telegram-ارناسى دەرەككوزدەرگە سىلتەمە جاساپ حابارلايدى.
«ينسايدەرلىك اقپاراتقا سايكەس، 9 قاڭتاردا نۇر-سۇلتاندا نازارباەۆ پەن توقاەۆتىڭ كەزدەسۋى ءوتىپ، وندا قازاقستان رەسپۋبليكاسىنىڭ تۇڭعىش پرەزيدەنتى «اينالاسىنداعىلاردىڭ» ءوزىن قالاي كۇيرەتكەنى تۋرالى ايتقان. اسىرەسە، ەلباسى كارىم ءماسىموۆتىڭ ارەكەتىنە قىنجىلادى» دەلىنگەن حابارلامادا.
ەسكە سالساق، نازارباەۆ قاڭتارداعى تارتىپسىزدىكتەردەن كەيىن 18 قاڭتار كۇنى العاش رەت قالىڭ جۇرتشىققا شىعىپ، ۇندەۋ جاسادى. ول ءوزىنىڭ ەلدەن كەتۋى تۋرالى قاۋەسەتتى جوققا شىعاردى جانە نارازىلىق ۇيىمداستىرۋشىلارى قازاقستاننىڭ مەملەكەت رەتىندەگى تۇتاستىعى مەن نەگىزىن جويعىسى كەلەتىنىن مالىمدەدى. نازارباەۆ قازاقستاننىڭ ساياسي ەليتالارى اراسىندا ىقپال ءۇشىن كۇرەس جوق ەكەنىن اتاپ ءوتتى.
"ادىرنا" ۇلتتىق پورتالى
