Qańtar oqıǵasynan keıin Qazaqstan prezıdenti Qasym-Jomart Toqaev pen eks-prezıdent Nursultan Nazarbaevtyń arasynda ótken kelissóz jaıly belgili boldy, dep jazady "Adyrna" ulttyq portaly orda.kz-ke silteme jasap.
Bul týraly «RPÝ «Dank» Telegram-arnasy derekkózderge silteme jasap habarlaıdy.
«Insaıderlik aqparatqa sáıkes, 9 qańtarda Nur-Sultanda Nazarbaev pen Toqaevtyń kezdesýi ótip, onda Qazaqstan Respýblıkasynyń Tuńǵysh Prezıdenti «aınalasyndaǵylardyń» ózin qalaı kúıretkeni týraly aıtqan. Ásirese, Elbasy Kárim Másimovtiń áreketine qynjylady» delingen habarlamada.
Eske salsaq, Nazarbaev qańtardaǵy tártipsizdikterden keıin 18 qańtar kúni alǵash ret qalyń jurtshyqqa shyǵyp, úndeý jasady. Ol óziniń elden ketýi týraly qaýesetti joqqa shyǵardy jáne narazylyq uıymdastyrýshylary Qazaqstannyń memleket retindegi tutastyǵy men negizin joıǵysy keletinin málimdedi. Nazarbaev Qazaqstannyń saıası elıtalary arasynda yqpal úshin kúres joq ekenin atap ótti.
"Adyrna" ulttyq portaly
