«جەو-2» جشس ديرەكتورى مەن كاسىپورىننىڭ باس ينجەنەرى ۇستالىپ، پەتروپاۆل قالالىق ءىىب ۋاقىتشا ۇستاۋ يزولياتورىنا قامالدى. اقپاراتتى سولتۇستىك قازاقستان وبلىسى پروكۋراتۋراسىنىڭ ءباسپاسوز قىزمەتى راستادى، - دەپ حابارلايدى "ادىرنا" ۇلتتىق پورتالى.
جەو-2-دە بولعان وقيعادان كەيىن قۇقىق قورعاۋ ورگاندارى قر قىلمىستىق كودەكسىنىڭ 254-بابى - «مىندەتكە سەنىمسىزدىكپەن قاراۋ» بويىنشا قىلمىستىق ءىستى تەرگەۋگە كىرىستى.
"تەرگەۋ بارىسى وبلىس پروكۋرورى مەن سولتۇستىك قازاقستان وبلىسىنىڭ پوليتسيا دەپارتامەنتىنىڭ باستىعىنىڭ باقىلاۋىنا الىندى. سونىمەن بىرگە، وبلىس پروكۋراتۋراسى باقىلاۋشى ورگانداردىڭ قىزمەتىنە تالداۋ جاساۋدا. ونىڭ قورىتىندىسى بويىنشا جاۋاپتى قىزمەتكەرلەردىڭ ارەكەتى باعالانادى»، - دەپ تولىقتىردى سولتۇستىك قازاقستان وبلىسى پروكۋراتۋراسىنىڭ ءباسپاسوز قىزمەتى.
ەسكە سالايىق، 20 ناۋرىزدا پەتروپاۆلداعى 2-جەو-دا ءۇش قۇبىردىڭ ءبىرى وپىرىلىپ تۇسكەن بولاتىن. قۇلاعان ءساتى ۆيدەوعا ءتۇسىپ قالعان. وقيعادان كەيىن ءبىر قىزمەتكەر جوعالىپ كەتكەن. 38 جاستاعى ايەلدى ىزدەستىرۋ جۇمىستارى قۇلاۋ قاۋپىنە بايلانىستى تەحنيكاسىز جۇرگىزىلدى. تۇندە جۇمىس توقتاتىلدى.
"ادىرنا" ۇلتتىق پورتالى
