«JEO-2» JShS dırektory men kásiporynnyń bas ınjeneri ustalyp, Petropavl qalalyq IIB ýaqytsha ustaý ızolıatoryna qamaldy. Aqparatty Soltústik Qazaqstan oblysy prokýratýrasynyń baspasóz qyzmeti rastady, - dep habarlaıdy "Adyrna" ulttyq portaly.
JEO-2-de bolǵan oqıǵadan keıin quqyq qorǵaý organdary QR Qylmystyq kodeksiniń 254-baby - «Mindetke senimsizdikpen qaraý» boıynsha qylmystyq isti tergeýge kiristi.
"Tergeý barysy oblys prokýrory men Soltústik Qazaqstan oblysynyń polıııa departamentiniń bastyǵynyń baqylaýyna alyndy. Sonymen birge, oblys prokýratýrasy baqylaýshy organdardyń qyzmetine taldaý jasaýda. Onyń qorytyndysy boıynsha jaýapty qyzmetkerlerdiń áreketi baǵalanady», - dep tolyqtyrdy Soltústik Qazaqstan oblysy prokýratýrasynyń baspasóz qyzmeti.
Eske salaıyq, 20 naýryzda Petropavldaǵy 2-JEO-da úsh qubyrdyń biri opyrylyp túsken bolatyn. Qulaǵan sáti vıdeoǵa túsip qalǵan. Oqıǵadan keıin bir qyzmetker joǵalyp ketken. 38 jastaǵy áıeldi izdestirý jumystary qulaý qaýpine baılanysty tehnıkasyz júrgizildi. Túnde jumys toqtatyldy.
"Adyrna" ulttyq portaly
