پەتروپاۆلدا قالاعا كىرە بەرىستەگى پەستروە كولىنىڭ جاعالاۋىن سۋ باسىپ قالدى، دەپ حابارلايدى "ادىرنا" ءتىلشىسى Tengrinews.kz-كە سىلتەپ.
جول بويىنداعى سۋ تۇرعىن ۇيلەر مەن كوتتەدجدەرگە قاراي جىلدام اعىپ، تۇرعىنداردى ەۆاكۋاتسيالاۋ باستالعان.
«سۋ دەڭگەيىنىڭ كوتەرىلۋىنە بايلانىستى، سونداي-اق جولدىڭ ارعى بەتىنەن اسىپ كەتۋ سالدارىنان پەستروە كولىنىڭ ماڭىندا ورنالاسقان تۇرعىن ۇيلەر مەن ساياجايلاردى سۋ باسۋ قاۋپى بار»، - دەپ حابارلايدى سقو توتەنشە جاعدايلار دەپارتامەنتىنىڭ ءباسپاسوز قىزمەتى.
مۇنداي جاعداي قالا تاريحىندا ءبىرىنشى رەت بولىپ وتىرعانى ايتىلدى.