ساعاديەۆ شەت ەلدەن 67 ميلليون دوللار قارىز الماق

1688

 

ساعىنتاەۆ كومانداسىنداعى ساعاديەۆ مىرزا قيراپ جاتقان اۋىل مەكتەپتەرىن جوندەۋ ءۇشىن ەمەس، تسيفرلاندىرۋ ءۇشىن تاعى قىرۋار قارىز الاتىنىن جاريالادى. پرەزيدەنت ايتقان «ساندىق قازاقستان» باعدارلاماسىن ورىنداۋدا الدىنا جان سالمايتىن مينيستر ەرلان ساعاديەۆ دۇنيەجۇزىلىك دامۋ بانكىنەن 67 ميلليون دوللار نەسيە الامىز دەپ وتىر. ۇكىمەت بۇل قىرۋار قاراجاتقا ايماقتارداعى ءبىلىم وشاقتارىنا زاماناۋي قۇرال-جابدىقتار ساتىپ الماقشى. ساعاديەۆتىڭ كەزەكتى جوسپارىمەن گۇلبانۋ انياتقىزى تانىسىپ قايتتى.

الماتى وبلىسى اقتۇتەك اۋىلىنداعى بۇل مەكتەپتىڭ وقۋشىلارىنا مينيستر ەرلان ساعاديەۆ جار سالىپ ايتىپ جۇرگەن «ساندىق قازاقستاننىڭ» ءيىسى دە بارماعان سياقتى. سەبەبى سالىنعانىنا 40 جىلدان اسقان ءبىلىم وشاعىنا بىردە ءبىر رەت كۇردەلى جوندەۋ جاسالماعان. ەدەنى ءشىرىپ، توسەنىشتەرى جىرتىلىپ، ءار جەرىنەن سۋ تامشىلاپ تۇر. سەبەپ بىرەۋ-اق، بيۋدجەتتە اقشا جوق. ال، بۇگىن ساعاديەۆ ءدال وسىنداي اۋىل مەكتەپتەرىنىڭ 62 پايىزىن زاماناۋي قۇرال جابدىقتارمەن جابدىقتايمىن دەپ دەپۋتاتتاردىڭ الدىندا ەسەپ بەردى. ول ءۇشىن دۇنيەجۇزىلىك دامۋ بانكىنەن 67 ميلليون دوللار قارىز الماق.

ەرلان ساعاديەۆ، قر ءبىلىم ءجانى عىلىم ءمينيسترى:

– بۇل الىنىپ جاتقان قاراجات اۋىل مەكتەپتەرى مەن مۇعالىمدەر ءۇشىن اسا ءتيىمدى.

ساعاديەۆكە سەنسەك، 17 جىلعا نەسيەگە الىپ وتىرعان بۇل ميلليوندار قالا مەن اۋىل مەكتەپتەرىن تەحنيكا جاعىنان تەڭەستىرمەك. ياعني، اۋىلداعى 5 جارىم مىڭ ءبىلىم وشاعىنا مۋلتيمەديالىق-ينتەراكتيۆتى تاقتالار الىپ، كومپيۋتەر ورناتىلادى ەكەن. ۇكىمەتتىڭ بۇلايشا قايتا قايتا قارىزعا باتا بەرۋىنە ءبىر ەكى دەپۋتات قارسى شىققانداي بولدى. ويتكەنى، ءبىلىم سالاسىنا ونسىز دا جىل سايىن قازىنادان ميللياردتار بولىنەدى دەيدى ماجىلىسمەندەر.

كارىباي مۇسىرمان، قر پارلامەنتى ءماجىلىسىنىڭ دەپۋتاتى:

– نەگە قارىزدىڭ ءبىر بولىگىن رەسپۋبليكالىق بيۋدجەتتە كورسەتىلگەن باعىتقا الىپ وتىرسىزدار؟

مينيستر بۇل باعىتتىڭ مازمۇنى بولەك دەپ قۇتىلىپ كەتتى. وسىلايشا، كوپ تارتىسىپ قينالماعان دەپۋتاتتار اقىرى دۇنيەجۇزىلىك بانكتەن نەسيە الۋعا كەلىسىم بەردى. ال، الىنعان قۇرالداردىڭ ساپاسىن ءوزىمىز باقىلاپ وتىرامىز دەيدى.

باقتيار ماكەن، قر پارلامەنتى ءماجىلىسىنىڭ دەپۋتاتى:

– مۇنى ەندى العاندىقتان ءتيىمدى پايدالانۋ ءۇشىن ءوزىمىز باقىلاپ وتىرامىز.

گۇلبانۋ انياتقىزى، ءتىلشى:

– سونداي-اق بۇدان بىلاي جوعارى وقۋ ورىندارى اقىلى ءبىلىمنىڭ باعاسىن وزدەرى بەلگىلەيتىن بولدى. ءبىلىم ءمينيسترى ءبىلىمنىڭ قۇنى مەملەكەتتىك گرانتتان نە ارزان نە قىمبات بولماۋى كەرەك دەگەن نورمانى الىپ تاستاۋدى ۇسىندى. وسىلايشا، ۋنيۆەرسيتەتتەردە اقىلى وقۋدىڭ قۇنى قانشا بولاتىنىن ەندى ەشكىم ناقتى ايتا المايدى.

____________________________________________________________________________________________________________________

31.kz

گۇلبانۋ انياتقىزى،

نۇركەن توقمۋرزين

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket