Saǵadıev shet elden 67 mıllıon dollar qaryz almaq

1945
Adyrna.kz Telegram

 

Saǵyntaev komandasyndaǵy Saǵadıev myrza qırap jatqan aýyl mektepterin jóndeý úshin emes, ıfrlandyrý úshin taǵy qyrýar qaryz alatynyn jarııalady. Prezıdent aıtqan «Sandyq Qazaqstan» baǵdarlamasyn oryndaýda aldyna jan salmaıtyn mınıstr Erlan Saǵadıev Dúnıejúzilik damý bankinen 67 mıllıon dollar nesıe alamyz dep otyr. Úkimet bul qyrýar qarajatqa aımaqtardaǵy bilim oshaqtaryna zamanaýı qural-jabdyqtar satyp almaqshy. Saǵadıevtiń kezekti josparymen Gúlbaný Ánııatqyzy tanysyp qaıtty.

Almaty oblysy Aqtútek aýylyndaǵy bul mekteptiń oqýshylaryna mınıstr Erlan Saǵadıev jar salyp aıtyp júrgen «Sandyq Qazaqstannyń» ıisi de barmaǵan sııaqty. Sebebi salynǵanyna 40 jyldan asqan bilim oshaǵyna birde bir ret kúrdeli jóndeý jasalmaǵan. Edeni shirip, tósenishteri jyrtylyp, ár jerinen sý tamshylap tur. Sebep bireý-aq, bıýdjette aqsha joq. Al, búgin Saǵadıev dál osyndaı aýyl mektepteriniń 62 paıyzyn zamanaýı qural jabdyqtarmen jabdyqtaımyn dep depýtattardyń aldynda esep berdi. Ol úshin Dúnıejúzilik Damý bankinen 67 mıllıon dollar qaryz almaq.

ERLAN SAǴADIEV, QR Bilim jáni ǵylym mınıstri:

– Bul alynyp jatqan qarajat aýyl mektepteri men muǵalimder úshin asa tıimdi.

Saǵadıevke sensek, 17 jylǵa nesıege alyp otyrǵan bul mıllıondar qala men aýyl mektepterin tehnıka jaǵynan teńestirmek. Iaǵnı, aýyldaǵy 5 jarym myń bilim oshaǵyna mýltımedıalyq-ınteraktıvti taqtalar alyp, kompıýter ornatylady eken. Úkimettiń bulaısha qaıta qaıta qaryzǵa bata berýine bir eki depýtat qarsy shyqqandaı boldy. Óıtkeni, bilim salasyna onsyz da jyl saıyn qazynadan mıllıardtar bólinedi deıdi májilismender.

KÁRIBAI MUSYRMAN, QR Parlamenti Májilisiniń depýtaty:

– Nege qaryzdyń bir bóligin respýblıkalyq bıýdjette kórsetilgen baǵytqa alyp otyrsyzdar?

Mınıstr bul baǵyttyń mazmuny bólek dep qutylyp ketti. Osylaısha, kóp tartysyp qınalmaǵan depýtattar aqyry Dúnıejúzilik bankten nesıe alýǵa kelisim berdi. Al, alynǵan quraldardyń sapasyn ózimiz baqylap otyramyz deıdi.

BAQTIIaR MÁKEN, QR Parlamenti Májilisiniń depýtaty:

– Muny endi alǵandyqtan tıimdi paıdalaný úshin ózimiz baqylap otyramyz.

GÚLBANÝ ÁNIIaTQYZY, tilshi:

– Sondaı-aq budan bylaı joǵary oqý oryndary aqyly bilimniń baǵasyn ózderi belgileıtin boldy. Bilim mınıstri bilimniń quny memlekettik granttan ne arzan ne qymbat bolmaýy kerek degen normany alyp tastaýdy usyndy. Osylaısha, ýnıversıtetterde aqyly oqýdyń quny qansha bolatynyn endi eshkim naqty aıta almaıdy.

____________________________________________________________________________________________________________________

31.kz

Gúlbaný Ánııatqyzy,

Nurken Toqmýrzın

Pikirler