پەتروپاۆلداعى جەو-2 قۇبىرىن جەل ۇشىرىپ اكەتتى، دەپ جازادى "ادىرنا". بۇل تۋرالى اكىمدىك حابارلادى.
«№1 مۇرجانىڭ جوعارعى بولىگىنىڭ ءىشىنارا وپىرىلۋى بولدى. قالعان ەكى مۇرجا جۇمىس ىستەپ تۇر. تجد مالىمەتىنشە، قيراۋعا قاتتى جەل (10 م/س دەيىن) سەبەپ بولعان. وقيعا ورنىندا جەدەل ارەكەت ەتۋ توبى، ءورت سوندىرۋشىلەر، قۇتقارۋشىلار مەن جەدەل جاردەم جۇمىس ىستەۋدە. قۇلاعانعا دەيىن 4 قازاندىق جانە 5 تۋربواگرەگات جۇمىس ىستەپ تۇرعان. ساعات 19:30-دا ەكى قازاندىق پەن ءۇش تۋربواگرەگات ءسوندىرىلدى. ساعات 00:00-دە ەكى رەزەرۆتىك قازاندىقتى ىسكە قوسۋ جوسپارلانۋدا»، - دەدى سولتۇستىك قازاقستان وبلىسى اكىمىنىڭ ءباسپاسوز حاتشىسى تيمۋر ابدىرەش.
قۇبىردىڭ ءبىر بولىگىنىڭ وپىرىلۋى 20 ناۋرىز كۇنى كەشكە بولعان. قۇرىلىمنىڭ سالماعى بىرنەشە مىڭ توننا، بيىكتىگى 150 مەتر. عيمارات 1961 جىلى پايدالانۋعا بەرىلگەن.
