Petropavldaǵy jylý elektr ortalyǵyndaǵy qubyrdy jel ushyryp áketti (VIDEO)

4745
Adyrna.kz Telegram

Petropavldaǵy JEO-2 qubyryn jel ushyryp áketti, dep jazady "Adyrna". Bul týraly ákimdik habarlady.

«№1 murjanyń joǵarǵy bóliginiń ishinara opyrylýy boldy. Qalǵan eki murja jumys istep tur. TJD málimetinshe, qıraýǵa qatty jel (10 m/s deıin) sebep bolǵan. Oqıǵa ornynda jedel áreket etý toby, órt sóndirýshiler, qutqarýshylar men jedel járdem jumys isteýde. Qulaǵanǵa deıin 4 qazandyq jáne 5 týrboagregat jumys istep turǵan. Saǵat 19:30-da eki qazandyq pen úsh týrboagregat sóndirildi. Saǵat 00:00-de eki rezervtik qazandyqty iske qosý josparlanýda», - dedi Soltústik Qazaqstan oblysy ákiminiń baspasóz hatshysy Tımýr Ábdiresh.

Qubyrdyń bir bóliginiń opyrylýy 20 naýryz kúni keshke bolǵan. Qurylymnyń salmaǵy birneshe myń tonna, bıiktigi 150 metr. Ǵımarat 1961 jyly paıdalanýǵa berilgen.

Pikirler