رەسەيدىڭ كيەۆكە جىبەرگەن زىمىراندارىنىڭ ءبىرى بالالار اۋرۋحاناسىنا ءتۇستى. بۇل تۋرالى كيەۆ قالاسىنىڭ اكىمى ۆيتالي كليچكو Telegram-دا، «وحماتدەت» ديرەكتورى ۆلاديمير جوۆنير «ۋكراينسكايا پراۆدا» باسىلىمىنا بەرگەن تۇسىنىكتەمەسىندە راستادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، بۇگىن، دۇيسەنبى تاڭەرتەڭ رەسەي كيەۆكە سوڭعى ءبىر جىلداعى ەڭ اۋقىمدى زىمىران شابۋىلدارىنىڭ ءبىرىن جاسادى. ناتيجەسىندە سوققىلاردىڭ ءبىرى «وحماتدەت» ۇلتتىق مامانداندىرىلعان بالالار اۋرۋحاناسىنىڭ عيماراتىنا ءتيدى،
قازىر وندا عيماراتتا بولعان بارلىق ادامداردى ەۆاكۋاتسيالاۋ جانە كوشىرۋ ۇيىمداستىرىلىپ جاتىر. كۋاگەرلەردىڭ ايتۋىنشا، دارىگەرلەر بولمەسى مەن توكسيكولوگيا بولىمىنە تىكەلەي سوققى تۇسكەندە، وندا ادامدار بولعان. قازىرگى ۋاقىتتا كەم دەگەندە 5 ادامنىڭ قازا تاپقانى حابارلانىپ وتىر، ۇيىندىلەر استىندا قالعان ادامدار دا بار.
