پوليتسەيلەر قوستاناي وبلىسىنىڭ تۇرعىنى ايەلىن شىنجىرعا بايلاپ تاستاعانىن ايتتى، - دەپ حابارلايدى "ادىرنا" پورتالى alau.kz سايتىنا سىلتەمە جاساپ.
وقيعا قوستاناي وبلىسىندا بولعان. سۇرانىسقا جاۋاپ رەتىندە اقپاراتتى قوستاناي وبلىسىنىڭ پوليتسيا دەپارتامەنتىنىڭ ءباسپاسوز قىزمەتى راستادى.
قوستاناي وبلىسىنىڭ پوليتسيا دەپارتامەنتىنە 44 جاستاعى ايەل كۇيەۋىن جاۋاپكەرشىلىككە تارتۋدى سۇراپ ارىزدانعان. پوليتسياعا توبىل قالاسىنىڭ تۇرعىنى تۇندە جانجال كەزىندە كۇيەۋى ونىڭ اياعىن جىلىتۋ رادياتورىنا تەمىر شىنجىرمەن بايلاپ تاستاعانىن ايتقان.
ءسويتىپ ول تاڭ اتقانشا قالدى. اتالعان فاكتى بويىنشا قىلمىستىق كودەكستىڭ 126-بابى «زاڭسىز باس بوستاندىعىنان ايىرۋ» بويىنشا تەرگەۋ امالدارى جۇرگىزىلۋدە.
ۇستالعان ازامات ايەلىنىڭ ىشىمدىك ىشكەنىن ءتۇسىندىردى. تۇندە شىعىپ كەتپەسىن دەپ بايلاپ قويعانىن ايتتى.
"ادىرنا" ۇلتتىق پورتالى
