"ول 10 كۇندە بۇكىل ەلدى باسىپ العىسى كەلدى" - كۆين ءپۋتيننىڭ جوسپارى نەگە ءساتسىز اياقتالعانىن ايتتى

6759
Adyrna.kz Telegram

اقش-تىڭ ۋكرايناداعى ۋاقىتشا سەنىمدى وكىلى كريستينا كۆين رەسەي پرەزيدەنتى ءپۋتيننىڭ ۋكراينانى باسىپ الۋ جوسپارى ءساتسىز اياقتالدى دەپ مالىمدەدى. سوندىقتان "اگرەسسور" ەلدىڭ كوشباسشىسى باتىس ەلدەرىنە شابۋىل جاساپ، سەس كورسەتە باستادى. ونىڭ ايتۋىنشا، قازىر كرەملدىڭ ريتوريكاسى تەك شيەلەنىس دەڭگەيىن كوتەرەدى، دەپ جازادى "ادىرنا" ۇلتتىق پورتالى. 

كۆين ءپۋتيننىڭ ۋكراينانىڭ قارۋلى كۇشتەرى مەن اۋماقتىق قورعانىسىنان مۇنداي قارسىلىق كۇتپەگەنىن اتاپ ءوتتى. سونىمەن بىرگە ول اقش پرەزيدەنتى دجو بايدەن ەگەر رەسەي فەدەراتسياسى ناتو تەرريتورياسىنا ءبىر قادام جاسايتىن بولسا، جاۋاپ قايتارامىز دەپ قورقىتقانىن باسا ايتتى.

«بىرىنشىدەن، مەن پرەزيدەنت پۋتين باتىس ەلدەرىنە شابۋىل جاساپ، قورقىتا باستاعانىن ايتقىم كەلەدى، ويتكەنى ونىڭ شىعىس جانە ورتالىق ۋكراينانى باسىپ الۋ ارەكەتى ءساتسىز اياقتالدى. پۋتين 10 كۇن ىشىندە بۇكىل ۋكراينانى باسىپ الىپ، سوعىستى اياقتايمىن دەپ ويلادى. البەتتە، ول ءوزى كۇتكەننەن الدەقايدا مىقتى ۋكراينا قارۋلى كۇشتەرىنىڭ قارسىلىعىنا تاپ بولعانى انىق. سوندىقتان بولار، قازىر پرەزيدەنت پۋتين نارازى جانە ريتوريكاعا جۇگىنۋدە، بۇل ءىس جۇزىندە شيەلەنىس دەڭگەيىن ايتارلىقتاي كوتەرەدى. باتىس ەلدەرىنە قارسى جاسالعان زىمىران سوققىلارى تۋرالى ايتىپ وتىرمىن. پرەزيدەنت بايدەن ناقتى ءتۇسىندىردى: ەگەر پرەزيدەنت پۋتين ناتو-عا ءتىپتى ءبىر قادام جاسايتىن بولسا، سولتۇستىك اتلانتيكالىق كەلىسىم ۇيىمى جاۋاپ بەرەدى. ءبىز جاعدايدى مۇقيات قاداعالاپ وتىرمىز جانە پۋتين مۇنداي ارەكەتتەرگە بارمايدى دەپ ۇمىتتەنەمىز", – دەدى كۆين.

"ادىرنا" ۇلتتىق پورتالى

پىكىرلەر