قىتاي مەملەكەتى ۋكرايندارمەن ماڭگىلىك دوستىق قارىم-قاتىناستا بولادى. اسپان استى ەلىنىڭ بيلىگى ۋكراينانى ەكونوميكالىق جاعىنان دا، ساياسي جاعىنان دا قولدايدى. مۇنداي مالىمدەمەنى قحر-نىڭ ۋكرايناداعى توتەنشە جانە وكىلەتتى ەلشىسى فان سيانجۋن لۆوۆ وبلىستىق اسكەري اكىمشىلىگىندە وتكەن كەزدەسۋ بارىسىندا ايتتى، دەپ حابارلايدى "ادىرنا" ۇلتتىق پورتالى.
"قىتاي-ۋكراين حالقى ءۇشىن دوستاس ەل. ءبىز ارقاشان دا سىزدەردىڭ مەملەكەتتەرىڭىزدى قۇرمەتتەپ، قارىم-قاتىناسىمىزدى تەڭدىك پەن ءوزارا تيىمدىلىك نەگىزىندە دامىتاتىن بولامىز. ءبىز ۋكرايندار تاڭداعان جولدى قۇرمەتتەيمىز، ويتكەنى بۇل ءار حالىقتىڭ ەگەمەندىك قۇقىعى", – دەدى ول.
ەلشى: "قىتاي ەشقاشان ۋكرايناعا شابۋىل جاسامايدى"دەپ سەندىردى.
ونىڭ ايتۋىنشا، قحر ۋكراينانى ەكونوميكالىق باعىتتا دامىتۋعا كومەكتەسۋگە دايىن.
ء"بىزدىڭ ەلىمىز ءبىر جىلدا دۇنيە ءجۇزىنىڭ تۇكپىر-تۇكپىرىنەن 3 تريلليون دوللاردان اساتىن تاۋار يمپورتتايدى. ءبىز سىزدەردى دامىتۋعا كومەكتەسۋگە دايىنبىز. قازىرگى قالىپتاسقان جاعدايدا جاۋاپكەرشىلىكپەن ارەكەت ەتەتىن بولامىز", - دەپ سەندىردى ديپلومات.
"ادىرنا" ۇلتتىق پورتالى