تەك پرەزيدەنت ءوزىنىڭ شەشۋشى ارەكەتتەرىمەن حاوستى توقتاتىپ، مەملەكەتتى ساقتاپ قالدى. بۇل تۋرالى بۇگىن وتكەن پارلامەنت ءماجىلىسىنىڭ جالپى وتىرىسىندا بەلگىلى قۇقىق قورعاۋشى، زاڭگەر ايمان وماروۆا ءمالىم ەتتى، دەپ جازادى "ادىرنا" ۇلتتىق پورتالى.
Baq.kz حابارلاۋىنشا، قازىرگى تاڭدا «AQIQAT» قوعامدىق كوميسسياسى قاڭتار وقيعالارىن زەرتتەۋ بويىنشا جۇمىستار اتقارۋدا.
ءبىزدىڭ قوعامدىق تەكسەرۋدىڭ ماڭىزدى ەرەكشەلىكتەرىن نازارلارىڭىزعا ۇسىنعىم كەلەدى. بىرىنشىدەن، كوميسسيا سوتقا دەيىنگى تەرگەۋ مەن سوتتى الماستىرمايدى. ەكىنشىدەن، كوميسسيا تەك قولجەتىمدى ماتەريالدار نەگىزىندە عانا قورىتىندى شىعارادى. ۇشىنشىدەن، كوميسسيانىڭ قورىتىندىسى قاڭتار وقيعاسىنا قاتىستى ءىستىڭ بارلىق ماتەريالدارىنا تولىق قولجەتىمدىلىك قامتاماسىز ەتىلمەگەندىكتەن، تولىق ەمەس، ارالىق بولىپ تابىلادى، - دەپ اتاپ ءوتتى قۇقىق قورعاۋشى.
سونداي-اق ول كوميسسيا قۇرامىنا توقتالدى.
كوميسسيا قۇرامىندا 20-دان استام ادام بار. ولاردىڭ 99%-ى –قىلمىستىق پروتسەستەردە ۇلكەن تاجىريبەسى بار قازاقتىلدى زاڭگەرلەر مەن قۇقىق قورعاۋشىلار، - دەدى ايمان وماروۆا.
سونىمەن قاتار ول قاڭتار وقيعاسىنىڭ سەبەپتەرىنە توقتالدى.
بۇنىە وقيعانىڭ العىشارتتارى، سەبەپتەرى، سونداي-اق ءبىزدىڭ پىكىرىمىزشە، قاڭتار وقيعاسى كەزەڭىندە جاسالعان قىلمىستىق قۇقىق بۇزۋشىلىقتاردىڭ قۇرامىنا توقتالعىم كەلىپ وتىر. قاڭتار وقيعاسىنا كەم دەگەندە ەكى جىل دايىندالعان. دەگەنمەن، تەرروريستىك ۇياشىقتاردىڭ بار ەكەندىگى تۋرالى اقپارات ودان دا ەرتەرەك شىقتى. كوپ ادامدار بارلىعى بەيبىت ميتينگتەن باستالدى دەگەن جاڭساق پىكىردە. شىن مانىندە، بارلىعى وقيعاعا اقپاراتتىق دايىندىقتان، ودان ءبىرشاما ەرتەرەك ۋاقىتتا باستالعان، - دەدى ادۆوكات.
"ادىرنا" ۇلتتىق پورتالى
