قازاقستان ءوزىنىڭ تاۋەلسىزدىك جىلدارىندا مۇنداي قاتىگەزدىككە العاش رەت تاپ بولىپ وتىر. بۇل تۋرالى بۇگىن پارلامەنت ءماجىلىسىنىڭ جالپى وتىرىسىندا قر باس پروكۋرورى بەرىك اسىلوۆ ءمالىم ەتتى، دەپ حابارلايدى "ادىرنا" ۇلتتىق پورتالى.
ەندى "قاسىرەتتى قاڭتاردىڭ" ارتقا قالعان كۇندەرىن مۇقيات سارالاپ، تياناقتى باعالاۋعا بولادى. وقيعالاردىڭ حرونولوگياسىنان باستايىن. ميتينگىلەر باستاپقىدا بەيبىت بولعانى وزدەرىڭىزگە بەلگىلى. ءبىرىنشى قاڭتاردان باستاپ باتىس وڭىرلەرىنىڭ تۇرعىندارى گاز باعاسىن تومەندەتۋدى تالاپ ەتتى. ياعني ەشقانداي ساياسات بولعان جوق، تازا الەۋمەتتىك-ەكونوميكالىق تالاپتار قويىلدى. وڭىرگە جەدەل تۇردە جولداعان ۇكىمەت كوميسسياسى گاز باعاسىنا قاتىستى تالاپتاردى قاناعاتتاندىردى. وسىعان قاراماستان، الماتى، شىمكەنت جانە باسقا وڭىرلەردە ادامدار كوشەگە شىقتى. سولاردىڭ جالپى سانى ەكى كۇندە 50 مىڭنان استى. ەڭ كوبى الماتىدا. باسىندا جيىندار بەيبىت سيپاتتا بولىپ ءوتتى. الايدا جاعدايدىڭ باقىلاۋدان تىس شىعۋى قاتەرى ساعات سايىن ارتا باستادى. سوندىقتان اكىمدەر مەن دەپۋتاتتار حالىقپەن سان رەت كەزدەسىپ، قوعامدىق ءتارتىپتى بۇزباۋدى سۇرادى. ال پروكۋرورلار جەر-جەردە نارازىلىق اكتسيالارىنىڭ زاڭسىزدىعىن جانە ولارعا قاتىستى قاتىسۋ ءۇشىن جاۋاپكەرشىلىكتى ءتۇسىندىردى، - دەدى باس پروكۋرور.
"ادىرنا" ۇلتتىق پورتالى
