بۇل تۋرالى بۇگىن وتكەن پارلامەنت ءماجىلىسىنىڭ جالپى وتىرىسىندا بەلگىلى بولدى، دەپ جازادى "ادىرنا" ۇلتتىق پورتالى baq.kz-كە سىلتەمە جاساپ.
پارلامەنت ءماجىلىسىنىڭ دەپۋتاتى ۆلاديمير توحتاسۋنوۆ دەنساۋلىعىنا بايلانىستى مىندەتتەرىن اتقارۋدان ءوز ەركىمەن بوساتۋ تۋرالى ءوتىنىش بەردى. وسىعان وراي قر ورتالىق سايلاۋ كوميسسياسى سىزدەردىڭ نازارلارىڭىزعا قر كونستيتۋتسياسىنىڭ 52-بابىنا «قر پارلامەنتى جانە ونىڭ دەپۋتاتتارىنىڭ مارتەبەسى تۋرالى» قر كونستيتۋتسيالىق زاڭىنىڭ 24-بابى 3) جانە 8)-تارماقتارىنا سايكەس دەپۋتات توحتاسۋنوۆتىڭ ءوتىنىش بەرۋىنە بايلانىستى ونىڭ وكىلەتتىلىگىن مەرزىمىنەن بۇرىن توقتاتۋ تۋرالى ماسەلەنى شەشۋ ءۇشىن ۇسىنىس ەنگىزىپ وتىر، - دەدى وتىرىستا ءسوز العان ورتالىق سايلاۋ كوميسسياسىنىڭ مۇشەسى شاۆحات وتەمىسوۆ.
دەپۋتاتتار ۇسىنىستى ءبىر اۋىزدان قابىلدادى.
"ادىرنا" ۇلتتىق پورتالى
