فرانتسيا سىرتقى ىستەر ءمينيسترى جان-يۆ لە دريان رەسەيدىڭ ۋكرايناعا قارسى سوعىسىنىڭ ەڭ سوراقىسى ءالى الدا دەپ ەسەپتەيدى. ونىڭ ايتۋىنشا، رەسەي پرەزيدەنتى ۆلاديمير پۋتين ماكسيماليزمگە بوي الدىرىپ، قالالاردى بومبالاۋدى جالعاستىرۋدى جوسپارلاپ وتىر. مينيستر سونداي-اق 13 ناۋرىزدا قانداي سانكتسيالار كۇشىنە ەنەتىنىن جانە ولار رەسەي فەدەراتسياسىن تاعى قالاي جازالايتىنىن ەسكەرتتى، دەپ جازادى "ادىرنا" ۇلتتىق پورتالى.
بۇل تۋرالى ول Ouest-France ەفيرىندە ايتتى. «رەسەيگە قارسى سانكتسيالار ەشقاشان مۇنشالىقتى ءتيىمدى بولعان ەمەس» دەپ سەندىردى جان-يۆ لە دريان.
"بىزدە ۋكرايندىقتاردى قولداۋدىڭ وتە كۇشتى لوگيكاسى بار. سانكتسيالار بولدى، باسقالارى دا بولادى. ولار ۆلاديمير پۋتين ءۇشىن سوعىس شىعىنىن ارتتىرۋعا ارنالعان", - دەدى ول.
سونىمەن، 13 ناۋرىزدان باستاپ:
- رەسەي فەدەراتسياسىنان بولات ونىمدەرىن يمپورتتاۋعا تىيىم سالۋ;
- رەسەي فەدەراتسياسىنا ءساندى تاۋارلاردى ەكسپورتتاۋعا تىيىم سالۋ;
- رەسەي فەدەراتسياسىندا مۇناي ءوندىرۋ مەن وڭدەۋ زاۋىتتارىنا كەز كەلگەن ينۆەستيتسياعا تىيىم سالۋ;
- رەسەيلىك وليگارحتاردىڭ سانكتسيالىق ءتىزىمىن كەڭەيتۋ جۇزەگە اسپاق.
"مەن ەشتەڭە قوزعالماي جاتقانىن كورىپ وتىرمىن. ءبىز وتە قيىن جاعدايعا تاپ بولدىق، مۇنىڭ ءبارى ءبىزدىڭ جۇمىسىمىزعا اسەر ەتەدى. بۇل ۇزاق ۋاقىتقا جالعاسادى. پرەزيدەنت پۋتين ءوزىنىڭ ماكسيماليزمىنە بوي الدىرىپ، "رەۆيزيونيزمدى" كورسەتتى. ول قارۋلى قولدارىمەن رەۆيزيونيزممەن اينالىسۋدا", - دەپ شاعىمداندى ول.
"ادىرنا" ۇلتتىق پورتالى
