2018 جىلعى 23 cاۋىردەن جانە 31 جەلتوقسانعا دەيىن استانا مەن الماتى ارقىلى ءۇشىنشى ەلدەرگە قازاقستاندىق اۋەكومپانيالارمەن ترانزيتپەن ۇشاتىن ءۇندىستان ازاماتتارىنا 72 ساعاتتىق ۆيزاسىز تارتىپتەمە قولدانىلادى. ءتيىستى قر وكىمەتىنىڭ قاۋلىسىنا ۇستىمىزدەگى جىلدىڭ 10 ساۋىرىندە قول قويىلعان.
«ەير استانا» الماتىدان دەليگە كۇندەلىكتى، ال استانادان اپتاسىنا 3 رەت Airbus جانە Embraer جايلى زاماناۋي ۇشاقتارىمەن قاتىنايدى. قازاقستان مەن ءۇندىستان ەلوردالارىن بايلانىستىراتىن تىكەلەي رەيس 2017 جىلدىڭ ورتاسىندا اشىلعان.
الماتى-دەلي باعىتى بويىنشا ەكونوم-كلاستاعى جانە بيزنەس-كلاستاعى ەكى جاققا بيلەت قۇنى تيىسىنشە 83 200 جانە 390 498 تەڭگەدەن باستالادى، استانا-دەلي باعىتى بويىنشا 83 052 جانە 390 351 تەڭگەدەن باستالادى.
ەكى ەل اراسىندا اۋەبايلانىستىڭ باستالعان ساتىنەن 570 مىڭعا جۋىق جولاۋشى جانە 5,6 مىڭ توننا جۇك تاسىمالدانعان. دەليدەن ترانزيتتىك جولاۋشىلارعا كيەۆ، ىستامبۇل، ماسكەۋ، سانكت-پەتەربۋرگ، ومبى، نوۆوسيبيرسك، بەيجىڭ، ءۇرىمشى، تبيليسي جانە بىشكەك قالالارىنا ىڭعايلى ءتۇيىسۋ رەيستەرى ۇسىنىلادى. جالپى «ەير استانانىڭ» ترانزيتتىك اعىنى 2018 جىلدىڭ قاڭتار-ناۋرىز كەزەڭىندە وتكەن جىلدىڭ ىسپەتتەس كەزەڭىمەن سالىستىرعاندا 62% ۇلعايعان، جانە قازىر جالپى جولاۋشى اعىنىنىڭ 30% قۇرايدى.
سونداي-اق، قىتاي حالىق رەسپۋبليكاسىنىڭ ازاماتتارىنا ىسپەتتەس ۆيزاسىز تارتىپتەمە ارەكەت ەتەدى.
«ەير استانا» اق
كورپوراتيۆتىك كوممۋنيكاتسيالار جونىندەگى دەپارتامەنت
