وسىمەن 10-15 جىلداي بولار Billingcat جەكە ۇيىمى ءوز ءىسىن اتقارۋدا. ماقساتى ءبىر - دۇنيەجۇزىلىك مەملەكەت تاراپىنان بولىپ جاتقان قىلمىستىق ىستەرىن اشۋ. ۇيىمنىڭ باسشىسى حريستو گروزدەۆ مىرزا باسىندا امەريكا، ەۋروپا مەن ءيزرايلدىڭ قىلمىسىنا نازار اۋدارعان بولسا، سوڭعى جىلدارى تولىعىمەن رەسەيگە نازارىن سالدى. بۇل ۇيىمنىڭ اگەنتۋراسى وتە كەڭ، بۇكىل ەلدەردە جاسىرىن ۇيىمشالارى بار. جۇمىس بارىسىندا سايتتاردى جاسىرىن تۇردە اشۋ، ۇيالى تەلەفون ارقىلى حابارلاراسۋ اقپاراتارىن جيناۋ مەن تاعى باسقا ايلاسىن قولدانىلادى.
تومەندە سول Billingcat ۇيىمىنىڭ اقپاراتى. ۋكراينا وسى جۇمادا ورىس اسكەرىن تولىقتاي توقتاتتى دەۋگە بولادى. رەسەي ارمياسى ەندى شەگىنىپ تۇرىپ قورعانىس ستراتەگياسىنا كوشتى. بىردە ءبىر ءىرى قالا الىنباعان. ەندى جەڭىلىپ بارا جاتىپ، باسقا ايلاعا كوشتى - كيەۆتە بيولوگيالىق قارۋ بار دەپ جاتىر، بەلارۋسسياعا پروۆوكاتسيا جاساۋ، ءتىپتى حيميالىق قارۋدى قۇستار ارقىلى تاسىمالداۋ جانە تب جەكسۇرىن اقپاراتتار.
ۋكرايناداعى سوعىستا وسىمەن ەكىنشى گەنەرال قازا تاپتى. رەسەي ارمياسىنىڭ ولگەندەر سانى 13 000 ادامعا تاياپ قالدى. رەسەي ارمياسىندا تولىقتاي دەموراليزاتسيا، قاشقىندار كوپ. ماسكەۋ سول ولگەندەردىن سانىن ايتپاۋ ءۇشىن، جەڭىلىپ جاتقانىن كورسەتپەۋ ءۇشىن رەسەيدە فەيسبۋك، يۋتۋب، تەلەگرامم، تيكتوك، باتىس اقپارات ارنالارىن كورسەتپەي جاتىر.
رەسەي ولگەن سولداتتارىن قايتارعىسى كەلمەي جاتىر. امالسىزدان ۋكراينالىقتار قازا تاپقان بايعۇستاردى توپتاستىرىپ كومىپ جاتىر. رەسەي ەلگە ولگەندەردى قايتارماۋ ءۇشىن شتاب بويىندا ءموبيلدى كرەماتوريالاردى ورنالاستىرىپ، كۇنى-ءتۇنى ولگەندەردى ورتەپ جاتىر. سۇمدىق ماسقارا دەپ وسىنى ايت. ءوزىنىڭ ازاماتتارىن وسىلاي قاستەرلەمەي جويۋ بۇل ەندى فاشيزم دەۋگە بولار.
كرەملدىڭ ىشىندە - اۋىتقۋ. كەيبىر شەنەۋنىكتەر مەن گەنەرالدار پۋتينگە قارسى شىعۋ ۇيىمدارىن قۇرىپ جاتقانى بەلگىلى بولدى. ىستەرى اساتىن بولار ەگەر قورعانىس كۇشتەرى قولداسا. حريستو گروزدەۆتىڭ پىكىرىنشە سوعىس ءبىر ەكى جۇمادان كەيىن باسىنادى. رەسەيگە ءۇزىلىس كەرەك. شىعىن تىم كوپ، ارميانى جابدىقتاپ تولىقتىرۋ قاجەت، ۋاقىت كەرەك.
ال ۇزىلىسكە ۋكراينا قالاي جاۋاپ بەرمەك. ناتو-نىڭ تالابى - رەسەي باسىنسا، ۋاقىت بەرمەي، ارمياسىن تالقانداپ قۋىپ جىبەرۋ. ءتىپتى ارەستوۆيچتىڭ ويى قىرىمدى بوساتىپ قايتارۋ. كورەرمىز. مەنىڭ ويىمشا زەلەنسكيگە سوڭىنا دەيىن بارۋ كەرەك، جەرلەرىن قايتارىپ سوعىستى اياقتاۋ كەرەك.
رەسەي ءوز ەلىندە جابىلعان شەتەل كاسىپورىندارىنىڭ مۇلكىن جەكەشەلەندىرىپ تارتىپ الامىز دەپتى (IKEA, ماكدونالدس، سامسۋنگ جانە باسقادا مىڭداعان ءوندىرىس كوزدەرى، وفيستەرى مەن زاۋىتتارى). وعان جاۋاپ شەتەلدەن تەز ءتۇستى - شەتەلدە تۇرعان رەسەي مۇلكىن جاۋاپ رەتىندە ايىرىپ تاستايمىز دەپتى.
بيللينگكەت اقپاراتى بويىنشا شەشەنستان پرەزيدەنتى رامزان كادىروۆ ءوزىنىڭ گۆاردياسىن جوعالتىپ العانىن ءبىلىپ، ەندى قورعانىس ءمينيسترى مەن گەنشتابتارمەن ۇرىسىپ، ءوشىن الا الماي ءجۇر ەكەن. ءاردايىم سونى قولپاشتاپ جۇرگەن زولوتوۆ دەگەن گەنەرال ءۇن ءتۇنسىز. اقىر سوڭىندا ەلدىڭ قۇلدىراۋى سول شەشەنستاننان باستالاتىن سەكىلدى. كەشە تاعى دا جاڭا سانكتسيالار جاريالانىپتى - ەندى رەسەيدىڭ استىعىنا، المازدارىنا، بالىق ونىمىنە، شەكەرىنە، اۋىل شارۋاشىلىق ونىمىنە شەكتەۋ قويىلدى.
رەسەي ەكونوميكاسى قۇلدىراۋ ۇستىندە. Financial Times اقپاراتى بويىنشا رەسەي ەكونوميكاسى سوعىس پەن سانكتسيا زاردابىنان ءال-اۋقاتى 35% پايىزعا ءتۇستى. بۇل 2 عانا جۇمانىڭ ناتيجەسى. رەسەي ءرۋبلىن دوللارعا شاققاندا تسب رف ۇستاپ تۇر، كازىر سول 120-نىڭ قاسىندا، دەمەك قۇنى تاعى دا قۇلايتىنى بارىنە ءمالىم. كوپكە دەيىن ۇستايتىنداي قارجىسى جوق. سودان بولار ە.نابيۋللينا حانىم ءوز ەركىمەن كەتۋگە ەكىنشى رەت پۋتينگە سۇرانىس جازىپتى. دەمەك پۋتين وتستاۆكانى قابىلدامادى.
شەتەلدە جۇرگەن پەسكوۆتىڭ جانۇياسىنا، بالالارى مەن ايەلىنە سانكتسيا قويىپتى، شوتتارىن جاۋىپ، ەلىنە قايتارىپ دەگەندەي. شىركىن-اي دەسەڭشى. مۆف-تا جاتقان رەسەيدىڭ 645 ملرد دوللار جابىق تۇرعان قارجىسىن ەندى سول ەۋرووداق ۋكرايناعا بەرمەكشى، كومپەنساتسيا رەتىندە. بارەكەلدى!
"ادىرنا" ۇلتتىق پورتالى
