اقىن بالتابەك نۇرعاليەۆ پرەزيدەنت نۇرسۇلتان نازارباەۆتى قۇدايعا تەڭەپ، تاعى دا جۇرتتىڭ جاعاسىن ۇستاتتى. بۇعان دەيىنگى ولەڭدەرىندە ول نازارباەۆتى جاراتۋشى دەپ يشارالاسا، بۇل جولعى ولەڭىندە اشىق ايتىپ وتىر.
ەلباسى نۇرسۇلتان ءابىشۇلىنا ىزگى نيەتپەن ارنادىم!
ۋا، نۇر-اتام – قۇدايىم،
سايتان قاشقان سەسىنەن.
جۇماق اڭقىر ىلايىم،
ەلباسىلىق ەسىنەن!
سىزدەن باسقا جوق قۇداي،
قۇداي تۇتام مەن، راسى.
ەلىم ايتار ءدوپ بۇلاي:
«ەسى جۇماق ەلباسى»!
باق بوپ بىزگە بۇيىرعان،
قازاعىمنىڭ قۇت-ارى.
جۇرەكتەرگە قۇيىلعان،
جۇماق-ەستىڭ جۇپارى.
قازاق دەيتىن ءالسىزدى،
ەل ەتتىڭىز ەرىكتى.
ءومىر دەيتىن ءمانسىزدى،
گۇل ەتتىڭىز كورىكتى.
بارلىق ماداق ءتان سىزگە،
تاڭىم ءۇشىن ءار اتقان.
قۋات قازاق – السىزگە،
جۇماق-ەستى جاراتقان.
قۇدايىم دەپ قۇپتاعام،
بار ءامىرىڭ – باق-ۇلەس.
جۇماق-ەستى ۇقپاعان،
جاننىڭ ءبارى – جارىم-ەس.
قۇرمەتپەن، بالتابەك نۇرعاليەۆ
ايتا كەتەيىك، بالتابەك اقىن بۇعان دەيىن نۇرسۇلتان نازارباەۆتىڭ اتا-اناسىنا، ايەلى سارا نازارباەۆاعا جانە قىزدارىنا ارناپ ودا شىعارعان بولاتىن.
sn.kz
