ۇلتتىق قاۋىپسىزدىك كوميتەتى مەملەكەتكە وپاسىزدىق جاساۋ، بيلىكتى كۇشپەن باسىپ الۋ جانە لاۋازىمدىق مىندەتتەرىن اسىرا پايدالانۋ كۇدىگى بويىنشا ءماسىموۆ پەن باسقا دا ادامدارعا قاتىستى قىلمىستىق ءىس بويىنشا جاڭا دەرەكتەر جاريالادى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
سونىمەن قاتار، تەرگەۋ بارىسىندا ءماسىموۆ ارەكەتتەرىندە سىبايلاس جەمقورلىق بەلگىلەرى كوپ انىقتالعانى حابارلاندى.
"جىلجىمايتىن مۇلىكتى زاڭسىز الۋ دەرەكتەرى، قىمبات سىيلىقتار، ونىڭ ىشىندە مادەني قۇندىلىقتار، وتاندىق بيزنەس-قوعامداستىق وكىلدەرىنەن جانە شەتەلدىك سۋبەكتىلەردەن قوماقتى قاراجات الۋ دەرەگى قۇجاتقا ءتۇستى.
اتاپ ايتقاندا، ۇقك توراعاسى لاۋازىمىندا ءماسىموۆتىڭ جابىق كەلىسىمشارتتاردىڭ ءبىرى بويىنشا شەت مەملەكەت وكىلدەرىنەن 2 ميلليون اقش دوللارى سوماسىندا پارا الۋ دەرەگىنە تەرگەۋ ءجۇرىپ جاتىر", - دەلىنگەن حابارلامادا.
اتالعان قاراجاتتىڭ گونكونگتان قازاقستان ۇلتتىق بانكىنە قايتارىلۋى قامتاماسىز ەتىلەتىنى ايتىلدى.
سونداي-اق، ءماسىموۆ پرەمەر-مينيستر لاۋازىمىندا بولعاندا ەلوردادا بيزنەس-قۇرىلىمداردىڭ بىرىنەن قۇنى 2,5 ميلليارد تەڭگەگە جۋىق ەليتالىق قوناق ءۇي مەن جەر ۋچاسكەسىن الۋ دەرەگى بويىنشا تەرگەۋ باستالدى.
ءماسىموۆ ۇستالعاننان كەيىن، 2022 جىلدىڭ قاڭتارىندا بۇل قوناق ۇيدەن 17,2 ميلليون اقش دوللارى، سونداي-اق كوپتەگەن ءساندى زاتتار - ەليتالىق ساعاتتار، التىن قۇيمالار، انتيكۆاريات جانە تاعى باسقا زاتتار تاركىلەنگەنى حابارلاندى.
ودان بولەك، بيزنەس-كلاسس ساناتىنداعى 11 قىمبات اۆتوكولىك تاركىلەندى.
نۇر-سۇلتان قالاسىنداعى ەكى ەليتالىق پاتەرىنە، الماتىداعى ەكى پاتەرگە جانە سارايعا، سونداي-اق، ششۋچينسك-بۋراباي كۋرورتتىق ايماعىنداعى كولدىڭ جاعاسىنداعى اۋدانى 1 گەكتار جەر ۋچاسكەسىنە تىيىم سالىندى.
ماسىموۆپەن جاقىن بايلانىستاعى ادامداردان 5,1 ميلليون دوللار تاركىلەندى.
"وسىمەن ءبىر مەزگىلدە ءماسىموۆ پەن ونىڭ اينالاسىنداعىلار شەتەل بانكتەرىنە زاڭسىز شىعارعان اسا ءىرى مولشەردەگى اقشالاي قاراجاتتى ىزدەستىرۋ، بۇعاتتاۋ جانە قازاقستانعا قايتارۋ بويىنشا جۇمىس ۇيىمداستىرىلدى", - دەلىنگەن حابارلامادا.
ۇقك مالىمەتىنشە، بارلىق كورسەتىلگەن دەرەكتەر بويىنشا قارقىندى جەدەل جەدەل-تەرگەۋ ءىس-شارالارى ءجۇرىپ جاتىر.
