قازاقستاننان ۋكرايناعا 82 توننا گۋمانيتارلىق كومەك جەتكىزۋ جولدارى قاراستىرىلۋدا. بۇل تۋرالى پرەمەر-مينيستر كەڭسەسى باسشىسىنىڭ ورىنباسارى رۋسلان جەلدىباي ءمالىم ەتتى.
گۋمانيتارلىق قىزمەت – قازاقستاننىڭ سىرتقى ساياسي ستراتەگياسىنىڭ ماڭىزدى باعىتى. ەلىمىز ءتۇرلى سەبەپتەرگە بايلانىستى كۇردەلى گۋمانيتارلىق جاعدايعا تاپ بولعان مەملەكەتتەردىڭ حالقىنا ارقاشان مۇمكىندىگىنشە كومەك كورسەتۋگە ۇمتىلادى.
باسقا مەملەكەت رەسمي ءوتىنىش بىلدىرگەن جاعدايدا قازاقستان ءداستۇرلى تۇردە گۋمانيتارلىق كومەك كورسەتەدى. ۋكراينا تاراپىنان وسىنداي ءوتىنىش تۇسكەننەن كەيىن قاسىم-جومارت توقاەۆ ۋكراين حالقىنا گۋمانيتارلىق كومەك كورسەتۋ جونىندە ناقتى تاپسىرما بەردى.
"ۇكىمەت جانىنداعى حالىقارالىق گۋمانيتارلىق كومەك كورسەتۋ ماسەلەلەرى جونىندەگى كوميسسيا ۋكرايناعا جالپى قۇنى 2 251 445 اقش دوللارى بولاتىن 25 ءتۇرلى مەديتسينالىق ءدارى-دارمەك جىبەرۋ تۋرالى شەشىم قابىلدادى. گۋمانيتارلىق كومەكتىڭ سالماعى – 82 توننا. قازىرگى ۋاقىتتا اتالعان جۇكتى مەجەلى جەرگە جەتكىزۋ ماسەلەسى پىسىقتالۋدا. جۇكتى ۋكراينا اۋماعىنا تىكەلەي جەتكىزۋ ماسەلەسى قاۋىپسىزدىك تۇرعىسىنان وتە قيىن بولىپ تۇر. وسىعان بايلانىستى قازاقستان ۇكىمەتى ۋكرايناعا جىبەرىلگەن حالىقارالىق گۋمانيتارلىق كومەكتى الۋ جانە ءبولۋ حابتارى ورنالاسقان كورشىلەس مەملەكەتتەرمەن كەلىسسوز جۇرگىزىپ جاتىر", - دەپ جازدى ر.جەلدىباي.
“ادىرنا” ۇلتتىق پورتالى
