Qazaqstannan Ukrainaǧa 82 tonna gumanitarlyq kömek jetkızu joldary qarastyryluda. Būl turaly Premer-ministr keŋsesı basşysynyŋ orynbasary Ruslan Jeldıbai mälım ettı.
Gumanitarlyq qyzmet – Qazaqstannyŋ syrtqy saiasi strategiiasynyŋ maŋyzdy baǧyty. Elımız türlı sebepterge bailanysty kürdelı gumanitarlyq jaǧdaiǧa tap bolǧan memleketterdıŋ halqyna ärqaşan mümkındıgınşe kömek körsetuge ūmtylady.
Basqa memleket resmi ötınış bıldırgen jaǧdaida Qazaqstan dästürlı türde gumanitarlyq kömek körsetedı. Ukraina tarapynan osyndai ötınış tüskennen keiın Qasym-Jomart Toqaev ukrain halqyna gumanitarlyq kömek körsetu jönınde naqty tapsyrma berdı.
"Ükımet janyndaǧy Halyqaralyq gumanitarlyq kömek körsetu mäselelerı jönındegı komissiia Ukrainaǧa jalpy qūny 2 251 445 AQŞ dollary bolatyn 25 türlı medisinalyq därı-därmek jıberu turaly şeşım qabyldady. Gumanitarlyq kömektıŋ salmaǧy – 82 tonna. Qazırgı uaqytta atalǧan jüktı mejelı jerge jetkızu mäselesı pysyqtaluda. Jüktı Ukraina aumaǧyna tıkelei jetkızu mäselesı qauıpsızdık tūrǧysynan öte qiyn bolyp tūr. Osyǧan bailanysty Qazaqstan Ükımetı Ukrainaǧa jıberılgen halyqaralyq gumanitarlyq kömektı alu jäne bölu habtary ornalasqan körşıles memlekettermen kelıssöz jürgızıp jatyr", - dep jazdy R.Jeldıbai.
“Adyrna” ūlttyq portaly
