رەزنيكوۆ ءپۋتيننىڭ تولىق ساتسىزدىككە ۇشىراعانىن مالىمدەدى

5504
Adyrna.kz Telegram

ۋكراينا قورعانىس ءمينيسترى الەكسەي رەزنيكوۆ ۋكراينانىڭ رەسەيلىك لاڭكەستەرگە 9 كۇن 4 ساعات 2 مينۋت بويى تويتارىس بەرىپ جاتقانىن ايتتى. "حۆيليا" حابارلاعانداي، ول بۇل تۋرالى Facebook-تەگى پاراقشاسىندا جازدى، دەپ حابارلايدى "ادىرنا" ۇلتتىق پورتالى. 

سونىمەن، رەزنيكوۆتىڭ ايتۋىنشا، بۇكىل حالىقتىڭ ارقاسىندا كرەملدىڭ ەكى كۇندە ۋكراينداردى جاۋلاپ الۋ، ءىرى قالالاردى باسىپ الۋ، مەملەكەت باسشىلىعىن ىعىستىرۋ جانە ۋكراينانى رەسەيگە قوسۋ جوسپارلارى ءساتسىز اياقتالدى.

ء"يا، جاۋ كەيبىر اۋدانداردا العا وزدى، بىراق از عانا اۋماقتى باقىلاۋدا. ال ءبىزدىڭ قورعاۋشىلار كۇشتى تويتارىس بەرىپ، باسقىنشىلاردى ىعىستىرىپ شىعارۋدا", - دەدى ول.

سونىمەن بىرگە، رەزنيكوۆ شابۋىلدىڭ باسەڭدەۋى مەن ۋكرايندىقتاردىڭ قارسىلىعىن ەسكەرە وتىرىپ، رەسەي تاكتيكاسىن وزگەرتىپ جاتقانىن اتاپ ءوتتى.

"اگرەسسور ءوزىنىڭ اۋە جانە زىمىراندىق الەۋەتىن جان-جاقتى جانە بەلسەندى تۇردە پايدالانۋدا. ۇشاقتاردىڭ بارلىق تۇرلەرى قالالاردى، ەلدى مەكەندەردى جانە ازاماتتىق ينفراقۇرىلىمدى، سونىڭ ىشىندە اتوم جانە سۋ ەلەكتر ستانتسيالارى سياقتى ماڭىزدى جانە قاۋىپتى نىسانداردى بومبالاۋدى جۇزەگە اسىرۋدا", - دەدى قورعانىس ءمينيسترى.

"ادىرنا" ۇلتتىق پورتالى

پىكىرلەر