Ýkraına Qorǵanys mınıstri Alekseı Reznıkov Ýkraınanyń reseılik lańkesterge 9 kún 4 saǵat 2 mınýt boıy toıtarys berip jatqanyn aıtty. "Hvılıa" habarlaǵandaı, ol bul týraly Facebook-tegi paraqshasynda jazdy, dep habarlaıdy "Adyrna" ulttyq portaly.
Sonymen, Reznıkovtyń aıtýynsha, búkil halyqtyń arqasynda Kremldiń eki kúnde ýkraındardy jaýlap alý, iri qalalardy basyp alý, memleket basshylyǵyn yǵystyrý jáne Ýkraınany Reseıge qosý josparlary sátsiz aıaqtaldy.
"Iá, jaý keıbir aýdandarda alǵa ozdy, biraq az ǵana aýmaqty baqylaýda. Al bizdiń qorǵaýshylar kúshti toıtarys berip, basqynshylardy yǵystyryp shyǵarýda", - dedi ol.
Sonymen birge, Reznıkov shabýyldyń báseńdeýi men ýkraındyqtardyń qarsylyǵyn eskere otyryp, Reseı taktıkasyn ózgertip jatqanyn atap ótti.
"Agressor óziniń áýe jáne zymyrandyq áleýetin jan-jaqty jáne belsendi túrde paıdalanýda. Ushaqtardyń barlyq túrleri qalalardy, eldi mekenderdi jáne azamattyq ınfraqurylymdy, sonyń ishinde atom jáne sý elektr stanııalary sııaqty mańyzdy jáne qaýipti nysandardy bombalaýdy júzege asyrýda", - dedi qorǵanys mınıstri.
"Adyrna" ulttyq portaly
