اقش-تىڭ اعا سەناتورى ليندسي گرەم ماسكەۋدىڭ ۋكرايناعا باسىپ كىرۋىنە نارازىلىق ءبىلدىرىپ، ءوزىنىڭ Twitter پاراقشاسىندا رەسەي حالقىن پرەزيدەنت ۆلاديمير ءپۋتيندى ولتىرۋگە شاقىردى، دەپ حابارلايدى "ادىرنا" ۇلتتىق پورتالى.
- رەسەيدە برۋت بار ما؟ رەسەي ارمياسىندا شتاۋففەنبەرگتەن دە تابىستى پولكوۆنيك بار ما؟ مۇنى توقتاتۋدىڭ جالعىز عانا ءتاسىلى – رەسەيدە بىرەۋ بۇل جىگىتتىڭ كوزىن جويا سالۋ كەرەك. ءسىز ءوز ەلىڭىزگە جانە بۇكىل الەمگە ۇلكەن قىزمەت كورسەتەر ەدىڭىز، - جازدى ول.
سونىمەن قاتار اقش-تىڭ اعا سەناتورى ءپۋتيندى ءولتىرۋ تەك ورىس حالقىنىڭ قولىنان عانا كەلەتىنىن العا تارتتى.
- مۇنى تۇزەتە الاتىن جالعىز حالىق - ورىس حالقى. ارينە ايتۋعا وڭاي، بىراق ورىنداۋ قيىن. ەگەر ءسىز الەمنىڭ باسقا بولىكتەرىنەن وتە كەدەيلىكتە وقشاۋلانىپ، ءومىر بويى قاراڭعىلىقتا ءومىر سۇرگىڭىز كەلمەسە، سىزگە ىسكە كىرىسۋ كەرەك، - دەپ تولىقتىردى ول.
"ادىرنا" ۇلتتىق پورتالى
