Tiji جانە Nickelodeon ارنالارى قازاق تىلىندە حابار تاراتادى. بۇل تۋرالى اقپارات جانە قوعامدىق دامۋ ءمينيسترى اسقار ۋماروۆ مينيسترلىكتىڭ القا وتىرىسىندا ايتتى، دەپ حابارلايدى “ادىرنا” ۇلتتىق پورتالى baq.kz سايتىنا سىلتەمە جاساپ.
مينيستر قوعامدىق سانانى جاڭعىرتۋ سالاسىندا التى نەگىزگى باعىت جاتقانىن اتادى.
بىلتىردان باستاپ باعدارلاما وسكەلەڭ ۇرپاقتى، اسىرەسە وقۋشىلاردى جانە مەكتەپ جاسىنا دەيىنگى بالالاردى تاربيەلەۋگە باسىمدىق بەردىك. «ۇلتتىق تاربيە»، Tiji جانە Nickelodeon ارنالارىنىڭ بالالار كونتەنتىن قازاق تىلىنە اۋدارۋ سەكىلدى اۋقىمدى جوبالاردى جۇزەگە اسىرىپ جاتىرمىز. ايتپاقشى، Tiji جانە Nickelodeon قازاق تىلىندە جاقىندا شىعادى، تۇساۋكەسەرى وتەدى، - دەدى ۋماروۆ.
ونىڭ ايتۋىنشا، بۇل باعىتتاعى باستى باسىمدىق – «ۇلتتىق رۋحاني جاڭعىرۋ» جانە جول كارتاسى جوبالارىن ساپالى ىسكە اسىرۋ.
بۇل ستراتەگيالىق قۇجاتتار قازاقستاندىق بىرەگەيلىك پەن زياتكەرلىك الەۋەتتى، مەملەكەتتىك ءتىلدى دامىتۋعا، ۇلتتىڭ مادەني كودىن ساقتاۋعا جانە ىلگەرىلەتۋگە، جاستاردىڭ جان-جاقتى دامۋى مەن ءوزىن-ءوزى تانىتۋىنا باعىتتالعان، - دەدى اسقار ۋماروۆ.
ۋماروۆ العا وتىرىسىندا مەملەكەتتىك مەكەمەلەردىڭ جۇمىسى باق ارقىلى باعالانىتىنىن دا اتاپ ءوتتى.
“ادىرنا” ۇلتتىق پورتالى
