برازيليا بۇۇ-نىڭ رەسەي پرەزيدەنتى ۆلاديمير ءپۋتيننىڭ ارەكەتىن ايىپتاپ، رەسەي فەدەراتسياسىنا قارسى جاڭا سانكتسيالار ەنگىزۋ تۋرالى قارارىنا داۋىس بەرمەيدى. بۇل تۋرالى پرەزيدەنت دجەير بولسونارو مالىمدەگەنىن ريا نوۆوستي G1 پورتالىنا سىلتەمە جاساي وتىرىپ حابارلايدى.
«پۋتينگە سانكتسيالار نەمەسە ايىپتاۋلار قويىلمايدى... برازيليانىڭ داۋىسى ەشقانداي كۇشكە تاۋەلدى ەمەس. ءبىزدىڭ ەركىن داۋىس وسى باعىتتا بەرىلەدى»، - دەدى ول.
بولسونارو برازيليا بەيبىتشىلىكتى قالايتىنىن، بىراق ەلدە بەلگىلى ءبىر سالدارعا جول بەرە المايتىنىن ايتتى.
سونىمەن قاتار، رەسەيدىڭ دونباستا ارنايى وپەراتسيانى جالعاستىرۋى جانە بەيتاراپتىقتى ساقتاۋى تۋرالى سۇراققا برازيليا پرەزيدەنتى ۋكراينا ازاماتتارىنىڭ ايتارلىقتاي بولىگى ورىس تىلىندە سويلەيتىنىن، ال ورىستار مەن ۋكرايندار باۋىرلاس حالىقتار ەكەنىن العا تارتتى. ونىڭ پايىمداۋىنشا، وسى فاكتىگە بايلانىستى پۋتين «قىرعىن ۇيىمداستىرۋعا» مۇددەلى ەمەس.
«بەيبىت تۇرعىنداردى جاپپاي ءولتىرۋ تۋرالى سىبىس جوق، ەشكىم مۇنداي تاكتيكانى قولدانبايدى»، - دەدى ول.
بولسونارو رەسەيگە قاتىستى شەشىم قابىلداۋدا پراكتيكالىق ويلاردى باسشىلىققا الاتىنىن اتاپ ءوتتى. ونىڭ ايتۋىنشا، برازيليا رەسەي فەدەراتسياسىمەن تىعىز قارىم-قاتىناستا. ويتكەنى برازيليا رەسەيدىڭ تىڭايتقىشىنا تاۋەلدى.
"ادىرنا" ۇلتتىق پورتالى
