رەسپۋبليكا بويىنشا وڭىرلەردىڭ ەكسپورتتىق بەلسەندىلىگى 9 ستاتيستيكالىق كورسەتكىش بويىنشا باعالانادى.
ەكسپورتتاۋشى ايماقتار قاتارىندا رەيتينگتەگى العاشقى بەستىكتى شىمكەنت قالاسى باستاپ تۇر. ءبىر كورسەتكىش بويىنشا ءابسوليۋتتى كوشباسشى. ول دايىن ءونىمىمىزدى تۇتىنۋشى ەلدەر سانى. وسىعان دەيىن مەگاپوليستىڭ دايىن ونىمدەرى 6 مەملەكەتكە شىعارىلعان بولسا، قازىر ونىڭ سانى 9-عا ءوستى. وتكەن جىلى گرۋزيا (ترانسفورماتورلار), ۋكراينا (ترانسفورماتورلار) جانە بەلارۋس (جيھاز جانە توسەك-ورىن جابدىقتارى) سياقتى ەلدەرگە العاش رەت جەتكىزىلە باستادى.
تاعى ءتورت كورسەتكىش بويىنشا شىمكەنت قالاسى كوشباسشىلار ۇشتىگىنە كىرەدى. وتكەن جىلى 23 جاڭا دايىن تاۋارلار (قر بويىنشا 3-ءشى ورىن) جانە 5 جاڭا شيكىزات تاۋارلارى (3-ءشى ورىن) ەكسپورتتالدى. قالانىڭ وڭدەۋ ونەركاسىبىندەگى 54 كاسىپورىن تۇراقتى ەكسپورتقا ءونىم شىعارادى. 2021 جىلدىڭ قاڭتار-جەلتوقسان ايىنىڭ قورىتىندىسى بويىنشا شىمكەنت قالاسىنىڭ سىرتقى ساۋدا اينالىمى 1 ملرد 905 ملن. اقش دوللار. ونىڭ ىشىندە، ەكسپورت – 573,5 ملن. اقش دوللارىن قۇراپ ءتيىستى كەزەڭمەن سالىستىرعاندا 17,3%-عا ءوستى.
