بۇگىن قالا اكىمى ءال-فارابي اۋدانىنا قاراستى زابادام جانە حيمفارم شاعىن اۋدان تۇرعىندارىمەن كەزدەستى. وندا تۇرعىندار تۇيتكىلدى ماسەلەلەردى قوزعادى.
ەكى ەلدىمەكەندە ەلەكتر جارىعى، اۋىز سۋمەن جانە تابيعي گازبەن تولىق قامتىلعان بولسا، كوشەلەرىنىڭ 95 پايىزى اسفالتتالعان. بۇگىنگى ماسەلە كارىز جۇيەسىنە قاتىستى ماسەلەنى رەتكە كەلتىرۋ، كوشەلەردى جارىقتاندىرۋ جانە جولدارعا اعىمداعى جوندەۋ جۇمىستارىن جۇرگىزۋ.
مۇرات ايتەنوۆ ءاربىر ماسەلەگە ەگجەي-تەگجەيلى توقتالىپ، شاعىن اۋداندى ورتالىقتاندىرىلعان كارىز جۇيەسىنە قوسۋ جۇمىستارى 2025 جىلدارى شەشىلەتىنىن، ال، جارىقتاندىرۋ بويىنشا ءار جىلدا 3 كوشەگە باعانالار ورناتۋ جۇمىستارى جۇرگىزىلەتىنىن جەتكىزدى.
ارقاشان ديالوگقا اشىقپىز دەگەن قالا باسشىسى كوتەرىلگەن ماسەلەلەردىڭ ورىندالۋى بويىنشا ەلدىمەكەن بەلسەندىلەرىمەن جۇيەلى ءجۇمىس جۇرگىزىلەتىنىن جەتكىزدى.
وتىنىشتەر بويىنشا اۋدان اكىمى مەن سالا ماماندارىنا بىرقاتار ناقتى تاپسىرمالار جۇكتەپ، ورىندالۋى بويىنشا بايانداۋدى تاپسىردى.
