Búgin qala ákimi Ál-Farabı aýdanyna qarasty Zabadam jáne Hımfarm shaǵyn aýdan turǵyndarymen kezdesti. Onda turǵyndar túıtkildi máselelerdi qozǵady.
Eki eldimekende elektr jaryǵy, aýyz sýmen jáne tabıǵı gazben tolyq qamtylǵan bolsa, kósheleriniń 95 paıyzy asfalttalǵan. Búgingi másele káriz júıesine qatysty máseleni retke keltirý, kóshelerdi jaryqtandyrý jáne joldarǵa aǵymdaǵy jóndeý jumystaryn júrgizý.
Murat Áıtenov árbir máselege egjeı-tegjeıli toqtalyp, shaǵyn aýdandy ortalyqtandyrylǵan káriz júıesine qosý jumystary 2025 jyldary sheshiletinin, al, jaryqtandyrý boıynsha ár jylda 3 kóshege baǵanalar ornatý jumystary júrgiziletinin jetkizdi.
Árqashan dıalogqa ashyqpyz degen qala basshysy kóterilgen máselelerdiń oryndalýy boıynsha eldimeken belsendilerimen júıeli júmys júrgiziletinin jetkizdi.
Ótinishter boıynsha aýdan ákimi men sala mamandaryna birqatar naqty tapsyrmalar júktep, oryndalýy boıynsha baıandaýdy tapsyrdy.
