شىمكەنت قالاسىنىڭ اكىمى مۇرات ايتەنوۆ №2 بالالار شىعارماشىلىق ورتالىعى ورنىنا سالىنىپ جاتقان جاڭا عيماراتتىڭ قۇرىلىسىمەن تانىستى.
ب.مايلين كوشەسىندە ورنالاسقان ونەر مەكتەبىنىڭ ەسكى عيماراتى ورنىنا جاڭاسىن قۇرۋ جۇمىسى وتكەن جىلدىڭ شىلدە ايىندا باستالعان بولاتىن. قۇرىلىستى جۇرگىزىپ وتىرعان «قۇرىلىس-ت.ا.» مەردىگەر مەكەمەسى.
وقۋ عيماراتى 150 وقۋشىعا شاقتالعان. وندا جەكە جانە توپتىق وقۋ بولمەلەرى مەن 215 ورىندى كونتسەرت زالى، كىتاپحانا، 123 شارشى مەترلى فويە كورمە زالى جانە 12 ورىندىق تاماقتانۋ ورنى قارالعان.
نىساندى پايدالانۋعا بەرۋ 2022 جىلدىڭ قاراشا ايىنا جوسپارلانىپ وتىر. جاڭا وقۋ كورپۋسى ىسكە قوسىلعان سوڭ ونەر ورتالىعىندا 45 ادامعا جاڭا جۇمىس ورنى اشىلادى.
قۇرىلىس بارىسىن كورگەن قالا اكىمى مەردىگەرگە عيماراتتى ءوز ۋاقىتىندا پايدالانۋعا بەرۋدى جانە بالالاردىڭ قاۋىپسىزدىگى ءۇشىن جۇمىس ساپاسىنا ءمان بەرۋدى تاپسىردى.
