شىمكەنتتە پوليتسەي قارت ادامدى "ولىمشە ەتىپ" سوققىعا جىققان

4870
Adyrna.kz Telegram

شىمكەنت قالاسىنىڭ تۇرعىنى كورشىسىمەن ارالارىنداعى ۇرىس-كەرىستەن سوڭ ونىڭ پاتەرىنە كىرىپ، 62 جاستاعى كۇيەۋىن ۇرىپ-سوعىپ اۋىر دەنە جاراقاتىن سالعانى تۋرالى ايتتى، دەپ حابارلايدى «ادىرنا» سايتى.

بۇل وقيعاداعى ەڭ قىزىعى، قىلمىسكەر پوليتسيا قىزمەتكەرى بولىپ شىقتى.

شىرايلى شىمكەنت تۇرعىنى ءالى دە ەسەڭگىرەپ تۇر. 4 اقپاندا ونىڭ كورشىسى پاتەردى شاتاستىرىپ، دوموفون ارقىلى ولارعا ەسىكتى اشۋىن وتىنگەن. ايەل ەسىكتى اشتى، ارتىنشا جاعدايعا ءسال كۇدىكپەن قارادى. ول كورشىسىنىڭ ءوز كىلتىمەن اشپاي، نەگە ۇنەمى حابارلاسىپ اشۋدى سۇرايتىنىنا تاڭعالا قارادى. كەيىننەن ەر ادام ەكى ايەلدىڭ اڭگىمەسىنە ارالاسقان.

جاقىندا كوشىپ كەلگەن كورشىمە ءوز رەنىشىمدى ايتىپ تۇرعانمىن. سوسىن الگى ەركەك تۇرىپ: «مىنا القاشپەن نەگە سويلەسەسىڭ؟» دەيدى. مەن اشۋلاندىم. كۇيەۋىم شىعىپ، ايتقان ءسوزىن قايتىپ الۋدى ءوتىندى. ال الگى ەركەك بىردەن دۇرسە قويا بەردى، دەيدى اننا.

سول كۇنى كەشكە پەتروۆسكي وتباسى پوليتسياعا ارىز جازىپ، جەدەل جاردەم شاقىرعان. ايەلدىڭ ايتۋىنشا، پوليتسيا قىزمەتكەرى ماس بولعان.

"پوليتسيا ءپاترۋلى مەن جەدەل جاردەم شاقىردىق، ارىز جازدىك. كەيىن بۇل ازامات ءال-فارابي ءاىىب-دە پوليتسيا قىزمەتكەرى بولىپ جۇمىس ىستەيتىنىن بىلدىك. 2022 جىلدىڭ 21 اقپانىندا ساعات 16:00-دە سوت وتىرىسى ءوتتى. ، بىزگە سوت قورىتىندىسى بەرىلمەدى.قىلمىسكەر جازالاندى ما، بىلمەيمىز، سەبەبى ول سوتتان كەيىن بىردەن بوستاندىققا شىقتى.كۇيەۋىم ءالى ايىعا قويعان جوق، ءوزىن ناشار سەزىنەدى، مەن دە ۋايىمعا سالىنىپ دەنساۋلىعىم ناشارلاي باستادى. گيپەرتونيامەن اۋىراتىندىقتان، قازىر قان قىسىمىم كوتەرىلىپ جاتىر»، - دەپ ءتۇسىندىردى اننا پەتروۆسكايا.

ەندى ەرلى-زايىپتىلار بارلىق ءمان-جايدى انىقتاپ، اپپەلياتسيالىق شاعىم تۇسىرمەكشى.

 

پىكىرلەر