بۇگىن ەڭبەك ينسپەكتسياسى باسقارماسىنىڭ باسشىسى باۋىرجان قالجانوۆ قالا اكىمدىگىنىڭ «Instagram» پاراقشاسىنداعى تىكەلەي ەفير ارقىلى 2021 جىلى ازاماتتاردىڭ ەڭبەك قۇقىقتارىن قورعاۋ جونىندەگى جۇمىستاردى باياندادى.
باسقارماسى باسشىسىنىڭ سوزىنشە، وتكەن جىلى ءتۇرلى كاسىپورىندار مەن ۇيىمداردان جانە جەكە تۇلعالاردىڭ 1 157 ارىز-شاعىمى قارالىپ، ءتيىستى جاۋاپ بەرىلگەن.
مەملەكەتتىك ەڭبەك ينسپەكتورلارىمەن - 234 تەكسەرۋ جۇرگىزىلىپ، 410 زاڭ بۇزۋشىلىق انىقتالدعان. ناتيجەسىندە 9,86 ملن.تەڭگە كولەمىندە 55 اكىمشىلىك ايىپپۇل سالىنىپ، 45 قوزعالعان اكىمشىلىك ءىس بويىنشا 6,3 ملن. تەڭگە ايىپپۇل وندىرىلگەن.
وتكەن جىلى تەكسەرۋلەر بارىسىندا 80 كاسىپورىندا 3 085 جۇمىسكەردىڭ 384 ملن.تەڭگە كولەمىندەگى جالاقى قارىزدارى مەملەكەتتىك ەڭبەك ينسپەكتورلارىنىڭ ارالاسۋىمەن وتەلدى.
مەملەكەت باسشىسىنىڭ تاپسىرماسىنا سايكەس، جۇمىسكەرلەردىڭ ەڭبەك قاۋىپسىزدىگىنىڭ قورعالۋىن باقىلاۋعا باعىتتالعان «حالىقتىق باقىلاۋ» جوباسى بۇگىندە قالامىزداعى 18 كاسىپورىنعا ەنگىزىلگەن.
ەفير بارىسىندا تۇرعىندار ەڭبەك قۇقىقتارى مەن ەڭبەكاقى تولەۋدە زاڭدىلىقتار جونىندەگى سۇراقتارىنا ب.قالجانوۆ رەتىمەن جاۋاپ بەردى.
