الماتى وبلىسى اكىمىنىڭ وكىمىمەن جاقانباەۆ الىبەك اسكەربەكۇلى وبلىس باسشىسىنىڭ ورىنباسارى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
الىبەك اسكەربەكۇلى جاقانباەۆ 1964 جىلى تۋعان. قازاقتىڭ ەڭبەك قىزىل تۋ وردەندى اۋىل شارۋاشىلىعى ينستيتۋتىن ورمان شارۋاشىلىعىنىڭ ينجەنەرى ماماندىعى بويىنشا بىتىرگەن.
ەڭبەك جولىن الاكول اۋدانى «لەۆوبەرەجنىي» كەڭشارىنىڭ جۇمىسشىسى بولىپ باستادى. ءار جىلداردا سەمەي قالاسىندا «زەلەنستروي» شارۋاشىلىق ەسەپتەگى ۋچاسكەسى كوگالداندىرۋ ءبولىمىنىڭ اگرونومى، الاكول اۋدانىندا الاكول مەحانيكالاندىرىلعان ورمان شارۋاشىلىعىنىڭ جۇمىسشىسى، تسەح شەبەرى، ينجەنەرى، ءۇشارال ورمان شارۋاشىلىعىندا ورمانشى، باس ورمانشى، «قاراتال ورمانى» ممك الاكول فيليالىنىڭ ديرەكتورى، «تالدىقورعان اعاشتارى» ممك الاكول فيليالىنىڭ ديرەكتورى، «الاكول ورمان شارۋاشىلىعى» مم ديرەكتورىنىڭ ورىنباسارى، ديرەكتورى، سارقان، الاكول، ەڭبەكشىقازاق اۋداندارىنىڭ اكىمى قىزمەتتەرىن اتقاردى.
ەستەرىڭىزگە سالا كەتەيىك، الماتى وبلىسى اكىمىنىڭ وكىمىمەن تۇرداليەۆ سەرىك مەلىسۇلى باسقا قىزمەتكە اۋىسۋىنا بايلانىستى وبلىس اكىمىنىڭ ورىنباسارى قىزمەتىنەن بوساتىلعان بولاتىن.
"ادىرنا" ۇلتتىق پورتالى
