«جاس الاشتىڭ» بۇگىنگى سانى: قازاق وپپوزيتسياسى بريۋسسەلدە نە بىتىرمەك؟

2006

وزدەرىن وپپوزيتسياداعى بەلسەندىمىز دەپ سانايتىن ءبىر توپ بريۋسسەلدە ەكس-پرەمەر-مينيستر اكەجان قاجىگەلدينمەن بىرىگىپ، «جاڭا قازاقستان» اتتى فورۋم وتكىزىپ، «بيلىك ءترانزيتىن» تالقىلاپ جاتقان تۇستا، مۇحتار شاحانوۆتىڭ داۋلى مالىمدەمەسىنە شىمدانعان جامبىل جاباەۆتىڭ ۇرپاقتارى اقىندى جازۋشىلار وداعىنان شىعارىپ، جاۋاپقا تارتۋ ماسەلەسىن كوتەردى.

جالپى،  م.شاحانوۆتىڭ داۋلى مالىمدەمەسىنە قاتىستى «جاس الاشتىڭ» قورجىنىنا ءتۇسىپ جاتقان بازىنا، شاعىم، اراشا شاش-ەتەكتەن. گازەت بارىنە ورتاق مىنبەر! تاراپتارعا تەڭدەي ءسوز بەردىك. مۇحتار شاحانوۆتىڭ قانداي كۇرەسكەرلىگىن جازۋشى تۇرىسبەك ساۋكەتاەۆ وزىنشە باعالاسا، جۇما-نازار سومجۇرەك «مۇحاڭنىڭ ەرلىكتەرىن كورە المايتىندار كوپ» دەيدى.

جازۋشىلاردىڭ ءسوزساباسىنان بولەك بۇگىنگى گازەتتە اقتوبە وبلىسىنىڭ اكىمى بەردىبەك ساپارباەۆ «اۋىل جاستارى جالقاۋلانىپ بارادى» دەپ سۇحبات بەردى. اكىمنىڭ قالا جاستارى مەن اۋىل جاستارى تۋرالى ايتقان ويىن دۇرىس-بۇرىس دەي المايمىز، ويتكەنى ونداي تورەلىكتى ايتۋ وقىرماننىڭ ءوز مىندەتى بولسا كەرەك.

گەوگرافيا ينستيتۋتىنىڭ اعا عىلىمي قىزمەتكەرى س.ءابدىراحمانوۆ پاۆلودارعا قوسارلانىپ قولدانىلىپ جۇرگەن كەرەكۋ اتاۋىنىڭ قازاققا ەش قاتىسى جوقتىعىن دالەلدەپ جازادى.

ال مەديا ساراپشى رۋسلان جەلدىباي «وتاندىق ماسس-مەديا نەگە مۇحتاج؟» اتتى ماقالاسىندا سىننان كوز اشپايتىن تەلەارنا «بازارىنىڭ» ايتىلمايتىن ىشكى جاعدايىن تالدايدى. سونداي-اق، سوڭعى كەزدەرى ءتۇرلى جيىنداردا توبە كورسەتىپ، ءارتۇرلى ۇسىنىستار ايتىپ، ءۇيىپ-توگىپ تاپسىرما بەرىپ جۇرگەن «اتامەكەن» ۇلتتىق كاسىپكەرلەر پالاتاسىنىڭ «قوجايىنى» تيمۋر قۇلىباەۆتىڭ تاريف قۇنىن ارزانداتۋعا كەلگەندە نەگە تىرس ەتپەيتىنى دە گازەتىمىزدىڭ وسى سانىندا.

بۇدان دا باسقا سان ءتۇرلى ءار سالانىڭ وزەكتى دۇنيەلەرى وقىرمانعا جول تارتتى.


zhasalash.kz

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket