Ózderin oppozıııadaǵy belsendimiz dep sanaıtyn bir top Brıýsselde eks-premer-mınıstr Ákejan Qajygeldınmen birigip, «Jańa Qazaqstan» atty forým ótkizip, «bılik tranzıtin» talqylap jatqan tusta, Muhtar Shahanovtyń daýly málimdemesine shymdanǵan Jambyl Jabaevtyń urpaqtary aqyndy Jazýshylar odaǵynan shyǵaryp, jaýapqa tartý máselesin kóterdi.
Jalpy, M.Shahanovtyń daýly málimdemesine qatysty «Jas Alashtyń» qorjynyna túsip jatqan bazyna, shaǵym, arasha shash-etekten. Gazet bárine ortaq minber! Taraptarǵa teńdeı sóz berdik. Muhtar Shahanovtyń qandaı kúreskerligin jazýshy Turysbek Sáýketaev ózinshe baǵalasa, Juma-Nazar Somjúrek «Muhańnyń erlikterin kóre almaıtyndar kóp» deıdi.
Jazýshylardyń sózsabasynan bólek búgingi gazette Aqtóbe oblysynyń ákimi Berdibek Saparbaev «aýyl jastary jalqaýlanyp barady» dep suhbat berdi. Ákimniń qala jastary men aýyl jastary týraly aıtqan oıyn durys-burys deı almaımyz, óıtkeni ondaı tórelikti aıtý oqyrmannyń óz mindeti bolsa kerek.
Geografııa ınstıtýtynyń aǵa ǵylymı qyzmetkeri S.Ábdirahmanov Pavlodarǵa qosarlanyp qoldanylyp júrgen Kereký ataýynyń qazaqqa esh qatysy joqtyǵyn dáleldep jazady.
Al medıa sarapshy Rýslan Jeldibaı «Otandyq mass-medıa nege muhtaj?» atty maqalasynda synnan kóz ashpaıtyn telearna «bazarynyń» aıtylmaıtyn ishki jaǵdaıyn taldaıdy. Sondaı-aq, sońǵy kezderi túrli jıyndarda tóbe kórsetip, ártúrli usynystar aıtyp, úıip-tógip tapsyrma berip júrgen «Atameken» ulttyq kásipkerler palatasynyń «qojaıyny» Tımýr Qulybaevtyń tarıf qunyn arzandatýǵa kelgende nege tyrs etpeıtini de gazetimizdiń osy sanynda.
Budan da basqa san túrli ár salanyń ózekti dúnıeleri oqyrmanǵa jol tartty.
zhasalash.kz
