وسىدان 60 جىلداي ۋاقىت بۇرىن ءوزى ىرگەسىن قالاعان سول كەزدەگى جامبىل گيدرومەليوراتسيا-قۇرىلىس ينستيتۋتىنىڭ جاڭا وقۋ كورپۋسىنداعى جاستار سارايى بۇگىندە اكادەميك مار ۇركىمباەۆتىڭ ەسىمىمەن اتالاتىنى جۇرتقا ءمالىم. بۇگىن م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ «گيدروكەشەنىندە» مەملەكەت جانە قوعام قايراتكەرى، تەحنيكا عىلىمدارىنىڭ دوكتورى، پروفەسسور، حالىقارالىق جانە ۇلتتىق ينجەنەرلىك اكادەمياسىنىڭ اكادەميگى مارس ۇركىمباەۆقا ارنالعان مەموريالدىق تاقتا اشىلدى.
بۇل – ءبىلىم مەن عىلىم جولىندا ولشەۋسىز ەڭبەك ەتىپ، جاستاردىڭ كەلەشەگى ءۇشىن باتىل قادامدارعا بارعان ازاماتقا دەگەن ەلدىڭ قۇرمەتى. يگى ىسكە ۇيىتقى بولعان م.ح.دۋلاتي اتىنداعى تاراز وڭىرلىك ۋنيۆەرسيتەتىنىڭ باسشىلىعى وسىلايشا وسكەلەڭ ۇرپاققا ونەگە كورسەتىپ وتىر.
ەسكەرتكىش تاقتانىڭ اشىلۋ راسىمىنە وبلىس اكىمىنىڭ ورىنباسارى داۋلەت كارىبەك، ۋنيۆەرسيتەتتىڭ باسقارما توراعاسى-رەكتورى تالعات ەشەنقۇلوۆ قاتىستى. داۋلەت جاماۋبايۇلى بۇگىنگى يگى ءىس-شارانىڭ ءوڭىرىمىز ءۇشىن تاريحي ءسات بولىپ قالاتىنىن اتاپ ءوتىپ، جوعارى ءبىلىم بەرۋ ءىسىن دامىتىپ، عىلىمنىڭ ورىستەۋىنە جول اشقان، ءتۇرلى سالادا باسشىلىق قىزمەتتەر اتقارىپ، ەل ەكونوميكاسىن دامىتۋعا ۇلەس قوسقان تۇلعانىڭ سوڭىندا وشپەس ءىزى قالعانىن ءسوز ەتتى.
–«ونەر-ءبىلىم بار جۇرتتار، تاستان ساراي سالعىزدى.ايشىلىق الىس جەرلەردەن. كوزىڭدى اشىپ جۇمعانشا. جىلدام حابار العىزدى»، دەگەن اقىن ابايدىڭ ولەڭى تەرەڭ زەردەلەگەنگە وي سالارلىقتاي. جاستاردىڭ كەلەشەگى ءۇشىن ءبىلىم الاتىن وقۋ كەشەنىن سالعان مارس فازىلۇلى شىن مانىسىندە ەلدىڭ ەرتەڭىن ويلاعان ازامات ەكەنىن كورسەتەدى»، – دەدى وبلىس اكىمىنىڭ ورىنباسارى.
ۋنيۆەرسيتەت رەكتورى تالعات ءىلياسۇلى سىرتقى كەدەرگىلەردى جەڭە بىلەتىن، الەمدىك وزگەرىستەرگە قاراي، دامۋدىڭباعىت-باعدارىن بولجاي بىلەتىن تۇلعالاردىڭ ءىسى دە ءىرى بولاتىنىن ءسوز ەتتى. مارس فازىلۇلىنىڭ قانشا جىل وتسە دە ءىزى وشپەيتىندەي ەسكەرتكىشتى وزىنە ءوزى قويىپ كەتكەن ازامات ەكەنىن اتاپ ءوتتى. بۇگىندە «گيدروكەشەن» دەسە، ەسكە اكادەميك مارس ۇركىمباەۆتىڭ ەسكە تۇسەتىنى، راس. ەندى سونىڭ تاسقا قاشالعان انىقتاماسى سول كەشەننىڭ قابىرعاسىنا ءىلىنىپ وتىر.
–قازىرگى ءبىلىم مەن عىلىم، قوعامداعى كوكەيتەستى قوزعالىستار تۋرالى ءسوز ەتەر بولساق، نار تۇلعالى عالىمدار مەن مەملەكەتتىك قايراتكەرلەردىڭ ەڭبەك جولى مەن ءومىر جولى كوز الدىمىزعا كەلەدى. سولاردىڭ قاتارىنان، وزىندىك ءىز قالدىرعان اسىل ازاماتتار اراسىنان بۇگىندە ومىردەن وتكەنىنە 10 جىل تولىپ وتىرعان مارس ۇركىمباەۆتىڭ ەسىمى تاسقا باسقان تاڭباداي-اق جارقىراپ تۇرعانىن كورەمىز. ەل كەلەشەگى ءۇشىن باتىل باستاما كوتەرىپ، ءوزىنىڭ كوزى تىرىسىندە وسىنداي وشپەس ەسكەرتكىش قالدىرىپ كەتكەن اكادەميكتىڭ اتى ەل اۋزىندا قالدى.ەلىمىزگە «گيدرو» دەگەن اتپەن تانىلعان وقۋ كەشەنىندەگىمەموريالدىق تاقتانىڭ اشىلۋى – سونىڭ جارقىن دالەلى، – دەدى تالعات ءىلياسۇلى.
وتىزدان ەندى اسقان شاعىندا ينستيتۋت رەكتورى بولعان مارس ۇركىمباەۆ باسقارۋشىلىق قابىلەتىنىڭ جوعارى ەكەنىن باسقا سالالاردا ەڭبەك ەتكەن جىلدارى دا ايقىن كورسەتە بىلگەن. ونىڭ ءوز يدەياسىنا كوپتى سەندىرە بىلەتىن، اينالاسىنداعىلاردى سەرپىلتىپ جۇرەتىن جارقىن مىنەزى تۋرالى زامانداستارى جىلى ەستەلىك ايتۋدان جالىققان ەمەس. ءىس-شاراعا ارنايى كەلگەن جامبىل وبلىسىنىڭ قۇرمەتتى ازاماتى ساعىنحان امىرەقۇلوۆ، قازاقستان ۇلتتىق اكادەمياسىنىڭ اكادەميگىوسكەنباي ماديەۆ، تاراز قالالىق ءماسليحاتىنىڭ حاتشىسى باتىربەك قۇلەكەەۆ مارس فازىلۇلىنىڭ باتىل دا، باستاماشىل ىستەرى جايلى اڭگىمە قوزعاپ، ەستەلىكتەرىن ايتتى.
ال اكادەميكتىڭ ءىنىسى بولات فازىلۇلى جامبىل جەرىندەگى جاڭا وقۋ عيماراتىنىڭ قۇرىلىسىن جۇرگىزۋگە قالاي رۇقسات العانىن ءسوز ەتتى. جالپى بۇل كەزىندە كەڭەس وداعىنىڭ ءۇندىستاندا جۇرگىزەمىز دەگەن قۇرىلىستىڭ ارحيتەكتۋرالىق جوباسى ەكەن. وسى جوبا بويىنشا عيماراتتى وسى تارازدا سالۋعا بولاتىنىن مارس ۇركىمباەۆ ماسكەۋدەگىلەرگە تالاي دايەكتى كەلتىرىپ ءجۇرىپ، دالەلدەپ شىققان ەكەن. وسىلايشا جامبىل جەرىندە بىرەگەي «گيدروكەشەن» دەگەن اتاۋعا يە بولعان وقۋ كورپۋسى بوي كوتەرگەن. ەندى مىنە، سول باستامانىڭ اۆتورىنىڭ ەسىمى سول كەشەندە جارقىراپ جازىلىپ تۇي.
