سەمەيلىك زەينەتكەر روستيسلاۆ پولكوۆسكي شىعىس قازاقستان وبلىسىنداعى ساعات بەلدەۋىن وزگەرتۋ – ساعات ءتىلىن ءبىر ساعات العا جىلجىتۋ تۋرالى ۇسىنىسىن ايماق باسشىسى دانيال احمەتوۆكە جولدادى.
زەينەتكەردىڭ ايتۋىنشا، ءوڭىر تۇرعىندارى ءوز ۋاقىت بەلدەۋىندە تۇرىپ جاتقان جوق. ماسەلەن، جازدىڭ كۇنى كەشكى ساعات 21:00-دە قاراڭعى تۇسە باستاسا، تاڭعى ساعات 04.00-دە كۇن شىعىپ كەتەدى ەكەن.
ادامعا پايداسى مول ساۋلە تۇسەتىن ۋاقىتتا ءبىز ۇيقىدا جاتامىز. ال، تاڭەرتەڭ حالىق جۇمىسىنا شىققاندا كۇن ىسىپ كەتەدى، - دەيدى روستيسلاۆ پولكوۆسكي.
زەينەتكەردىڭ ايتۋىنشا، ۋاقىت بەلدەۋىن وزگەرتۋ ايماق تۇرعىندارىنىڭ دەنساۋلىعى ءۇشىن پايدالى ەكەن. ودان بولەك، ەلەكتر قۋاتىن ۇنەمدەۋگە دە زور مۇمكىندىك.
«بۇعان شىعىس قازاقستاننىڭ ميلليوننان استام تۇرعىنى ريزا بولادى. ال وسكەمەن، التاي جانە باسقا دا قالالار مەن ەلدى مەكەندەر بۇدان دا قيىن جاعدايدا ءومىر ءسۇرىپ جاتىر. ويتكەنى وندا كۇن سەمەيدەن دە ەرتە باتادى»، - دەيدى زەينەتكەر.
سەمەي قالالىق ءماسليحات دەپۋتاتى گۇلجانات راحاتقىزىنا زەينەتكەردىڭ ۇسىنىسى وبلىس باسشىسى دانيال احمەتوۆكە جولدانعانىن ايتتى.
“ادىرنا” ۇلتتىق پورتالى
