Semeılik zeınetker Rostıslav Polkovskıı Shyǵys Qazaqstan oblysyndaǵy saǵat beldeýin ózgertý – saǵat tilin bir saǵat alǵa jyljytý týraly usynysyn aımaq basshysy Danıal Ahmetovke joldady.
Zeınetkerdiń aıtýynsha, óńir turǵyndary óz ýaqyt beldeýinde turyp jatqan joq. Máselen, jazdyń kúni keshki saǵat 21:00-de qarańǵy túse bastasa, tańǵy saǵat 04.00-de kún shyǵyp ketedi eken.
Adamǵa paıdasy mol sáýle túsetin ýaqytta biz uıqyda jatamyz. Al, tańerteń halyq jumysyna shyqqanda kún ysyp ketedi, - deıdi Rostıslav Polkovskıı.
Zeınetkerdiń aıtýynsha, ýaqyt beldeýin ózgertý aımaq turǵyndarynyń densaýlyǵy úshin paıdaly eken. Odan bólek, elektr qýatyn únemdeýge de zor múmkindik.
«Buǵan Shyǵys Qazaqstannyń mıllıonnan astam turǵyny rıza bolady. Al Óskemen, Altaı jáne basqa da qalalar men eldi mekender budan da qıyn jaǵdaıda ómir súrip jatyr. Óıtkeni onda kún Semeıden de erte batady», - deıdi zeınetker.
Semeı qalalyq máslıhat depýtaty Gúljanat Rahatqyzyna zeınetkerdiń usynysy oblys basshysy Danıal Ahmetovke joldanǵanyn aıtty.
“Adyrna” ulttyq portaly
