6 sáýirde sankııa jarııalanǵanan keıin birinshi saýda kúni bul barlyǵyna keri áser etti. "RÝSAL" akııalary edáýir qulady. Reseılik rýbldiń edáýir ózgergenin baıqap otyrmyz. Birinshiden, bizdiń ekonomıkamyzǵa áserin baǵalaý úshin aldaǵy eki-úsh kúnde jaǵdaı qalaı órbıtinin kórýimiz qajet. Sizder bilesizder, naryqta bul qobaljý týǵyzdy. Onyń ústine keıbir máseleler saıasatpen baılanysty. Sondyqtan, eń áýeli, Reseıde qalaı damıtynyn baǵamdaýymyz kerek. Eger rýbl júıeli túrde álsirese, onda belgili bir áserin tıgizetin shyǵar, — dedi mınıstr.

Súleımenov qazir mınıstrlik ulttyq bankpen jumys júrgizip jatqanyn atap ótti.

"Qazir premer-mınıstrdiń tóraǵalyǵymen ekonomıkalyq saıasat boıynsha keńes ótip jatyr. Onda bul másele de qaralady. Qazirgi tańda Reseıdegi jaǵdaı qanshalyqty júıeli sıpatqa ıe bolatynyn anyqtap, sodan keıin bizdiń ekonomıkaǵa baǵa berýge bolady",- dedi ol.

Mınıstr Reseıge jarııalanǵan sankııadan keıin aıyrbas pýnkterinde teńge baǵamynyń ózgerýi devalvaııaǵa jatpaıtynyn atap ótti.

Aıta ketsek, AQSh Reseıdiń birqatar iri bıznesmenderi men joǵary shendi sheneýnikterin, birqatar kompanııasyn sankııalyq tizimge engizgen bolatyn. Osynyń saldarynan rýbl quldyrap, reseılik kompanııalardyń akııalary arzandap ketti.

Búgin ulttyq valıýta baǵamy bir dollarǵa shaqqanda 324,62 teńgeni qurady. 9 sáýirdegi tańǵy sessııanyń qorytyndysy boıynsha bir dollar 320,11 teńge bolǵan edi.