سانجار بوقاەۆتىڭ باستاماسىمەن قۇرىلعان “نامىس” پارتياسىنىڭ ماقسات، مۇددەسى كوپشىلىككە تانىستىرىلدى. بوقاەۆ ماڭىزدى ءارى جاڭا قازاقستان قۇرۋعا كەرەك رەفورمالاردى اتاپ، جۇمىس جاقىن ارادا قىزۋ باستالاتىنىن جەتكىزدى، دەپ حابارلايدى “ادىرنا” ۇلتتىق پورتالى.
الايدا، ول پارتيانى تىركەۋ ءۇشىن 20 مىڭ قول كەرەك ەكەنىن، بىراق ءبىزدىڭ مەملەكەت تىركەمەۋدىڭ 20 مىڭ سەبەبىن تابادى دەپ تىلگە تيەك ەتتى.
“جاقىن كۇندەرى ءبىز قۇجاتتاردى وسك-عا تاپسىرىپ، قر زاڭناماسىنا سايكەس تىركەۋ ءراسىمىن باستايمىز.
ەكى ايدان كەيىن ءبىز پارتيانىڭ ءموبيلدى قوسىمشاسىن ۇسىنامىز، ويتكەنى "نامىس" پارتياسى - بۇل تسيفرلى پلاتفورما”،- دەدى ول.
“ادىرنا” ۇلتتىق پورتالى
