ستراتەگيالىق جوسپارلاۋ جانە رەفورمالار جونىندەگى اگەنتتىكتىڭ ۇلتتىق ستاتيستيكا بيۋروسى وكىلى قازاقستاندا كەدەيلىك شەگىندە قانشا ادام ءومىر سۇرەتىنى، قانشا ادام 50 مىڭنان كەم جانە 500 مىڭ تەڭگەدەن جوعارى تابىس تاباتىنى تۋرالى ايتتى، - دەپ حابارلايدى “ادىرنا” ۇلتتىق پورتالى Tengrinews.kzسايتىنا سىلتەمە جاساپ.
2021 جىلدىڭ ءۇشىنشى توقسانىنداعى مالىمەتتەرگە سايكەس، كەدەيلىك دەڭگەيى 5,3 پايىز بولادى. وسىلايشا، ەلدە 1 005 447 ادام كەدەيلىك شەگىنەن تومەن ءومىر سۇرەتىنى بەلگىلى بولدى.
"بيۋرو جىلىنا ءبىر رەت ساۋىردە تولىق جۇمىس ىستەگەن قىزمەتكەرلەردىڭ جالاقىسىنىڭ قۇرىلىمى مەن ءبولىنىسى بويىنشا تەكسەرۋ جۇرگىزەدى. ناتيجەسىندە، جالدامالى جۇمىسشىلار - 2,9 ميلليون ادام، ال ورتاشا جالاقى 45 000 تەڭگەگە دەيىن ەكەنى انىقتالدى. ونى قىزمەتكەرلەردىڭ 1,2 پايىزى، 35,3 مىڭ ادام الدى. 45 001 تەڭگەدەن 60 000 تەڭگەگە دەيىن قىزمەتكەرلەردىڭ 6,5 پايىزى، ياعني 187 مىڭ ادام الادى. قىزمەتكەرلەردىڭ 5,4 پايىزى، ياعني 159,3 مىڭ ادام 500 000 تەڭگەدەن جوعارى تابىس تابادى", - دەدى ۆەدومستۆونىڭ ءباسپاسوز قىزمەتى وكىلى.
سونداي-اق، ستاتيستيكا بيۋروسى 2011 جىلدان باستاپ 2021 جىلعا دەيىن ۇلتتىق بانكتىڭ ءار كەزەڭدەگى باعامى بويىنشا ورتاشا ايلىق جالاقى تۋرالى دەرەكتەردى ۇسىندى:
2011 جىلى قازاقستاندىقتىڭ ورتاشا ايلىق جالاقىسى 90 028 تەڭگە نەمەسە 624 دوللار;
2012 جىلى - 101 263 تەڭگە نەمەسە 679 دوللار;
2013 جىلى - 109 141 تەڭگە نەمەسە 717 دوللار;
2014 جىلى - 121 021 تەڭگە نەمەسە 675 دوللار;
2015 جىلى - 126 021 تەڭگە نەمەسە 568 دوللار.;
2016 جىلى - 142 898 تەڭگە نەمەسە 418 دوللار;
2017 جىلى - 150 827 تەڭگە نەمەسە 463 دوللار;
2018 جىلى - 162 673 تەڭگە نەمەسە 472 دوللار;
2019 جىلى - 186 815 تەڭگە نەمەسە 488 دوللار;
2020 جىلى - 213 003 تەڭگە نەمەسە 516 دوللار;
2021 جىلى - 248 791 تەڭگە نەمەسە 584 دوللار.
ۆەدومستۆو قازاقستاندىقتاردىڭ ورتاشا جالاقىسى قالاي انىقتالاتىنىن ءتۇسىندىردى.
"بيۋرو ورتاشا ايلىق جالاقى تۋرالى دەرەكتەردى كاسىپورىنداردىڭ توقساندىق جانە جىلدىق ستاتيستيكاسى بويىنشا، جالاقى قورىنىڭ سوماسىن كاسىپورىنداعى قىزمەتكەرلەرىنىڭ ناقتى سانىنا جانە اي سانىنا ءبولۋ ارقىلى ەسەپتەيدى", - دەپ ءتۇسىندىردى بيۋرو قىزمەتكەرى.
ورتاشا ايلىق جالاقى كورسەتكىشى تابىس سالىعى، زەينەتاقى اۋدارىمدارى، سىياقىلار مەن ۇستەمەاقىلار ەسكەرىلە وتىرىپ، جاسالادى.
"جالاقىنىڭ ورتاشا دەڭگەيىن ەسەپتەۋدىڭ بۇل ادىستەمەسى باستى ءارى كوپتەگەن ەلدىڭ ستاتيستيكالىق تاجىريبەسىندە دەرەكتەردى باسقا ەلدىڭ كورسەتكىشتەرىمەن سالىستىرۋ ءۇشىن قولدانىلادى", - دەپ تولىقتىردى ستاتيستيكا بيۋرو قىزمەتكەرى.
“ادىرنا” ۇلتتىق پورتالى
Басқалармен бөлісе отырыңыз
