بۇگىن شىمكەنت قالاسىنىڭ اكىمى مۇرات ايتەنوۆ ا.بايتۇرسىنوۆ كوشەسىندە ورنالاسقان ستۋدەنتتەر جانە سپورت، كىشى سامال شاعىن اۋدان تۇرعىندارىمەن كەزدەستى. وندا شاعىن اۋداندى دامىتۋ، اۋلالاردى اباتتاندىرۋ مەن مەنشىك يەلەرىنىڭ بىرلەستىگىن قۇرۋ جانە كوپقاباتتى ۇيلەردى جاڭعىرتۋ ماسەلەسى ايتىلدى.
قالا اكىمى جەرگىلىكتى بيۋدجەت ەسەبىنەن قايتارىمدى نەگىزدە مەگاپوليستە 60 كوپقاباتتى تۇرعىن ۇيگە جوندەۋ جۇمىستارىن جۇرگiزۋ، ونىڭ ىشىندە اتالعان شاعىن اۋداندا ورنالاسقان 4 ۇيگە اعىمداعى جانە كۇردەلى جوندەۋ جۇمىستارى جوسپاردا بار.
مۇنداي جۇمىستار تۇرعىن ءۇيدى باسقارۋدىڭ جاڭا تۇرىنە ەنگەن ءۇي يەلەرىنىڭ وتىنىشتەرى نەگىزىندە بيۋدجەت ەسەبىنەن جاسالادى. جۇمىس اياقتالعان سوڭ تۇرعىندار جوندەۋ جۇمىستارىنا كەتكەن شىعىندى اي سايىن، بەلگىلەنگەن مەرزىم ىشىندە، ءبولىپ تولەي وتىرىپ قايتارادى.
اتاپ ايتقاندا، بايتۇرسىنوۆ كوشەسىندەگى №67, 67ا ءۇي مەن «سپورت» شاعىناۋدانىنداعى № 23 ۇيلەردىڭ شاتىرى جانە بايتۇرسىنوۆ كوشەسىندەگى №94 ءۇيدىڭ قاسبەتى، شاتىرى، كىرە بەرىس الاڭى مەن جەرتولەسىندەگى ينجەنەرلىك جۇيەسىنە كۇردەلى جوندەۋ جۇمىستارىن جۇرگىزۋ جوسپارلانۋدا.
«سپورت» شاعىن اۋدانىندا ورنالاسقان 54 كوپقاباتتى تۇرعىن ءۇيدىڭ بارلىعى جاڭا باسقارۋ تۇرىنە وتكەن. ونىڭ ىشىندە 10 ءۇي مۇلىك يەلەرىنىڭ بىرلەستىگىنە تىركەلسە، 44 كوپقاباتتى تۇرعىن ۇيلەر جاي سەرىكتەستىككە ەنگەن.
مۇرات ايتەنوۆ جاڭا ءۇي باقسارۋ ءتۇرىنىڭ پاتەر يەلەرى كووپەراتيۆىنەن ايىرماشىلىعى — اشىقتىق، كوپقاباتتى تۇرعىن ءۇيدى جاقسارتۋ، تازا ۇستاۋ، جوندەۋ جانە تاعى باسقا جۇمىستاردىڭ قالاي ورىندالىپ جاتقانى انىق كورۋىندە ەكەنىن ايتتى.
بۇدان بولەك، شاعىن اۋدانداعى №9, بايتۇرسىنوۆ كوشەسىندەگى №88-90, جانە 92 كوپقاباتتى تۇرعىن ءۇي اۋلاسىنا بيىل بالالار ويىن الاڭشاسى ورناتىلسا، №11,12,13,94 كوپقاباتتى تۇرعىن ءۇيدىڭ اۋلالارىنا سپورت الاڭشاسى جاڭادان ورناتىلادى، ال، №75ا، 23 تۇرعىن ءۇيدىڭ اۋلاسىنداعى سپورت الاڭشالارىنا جوندەۋ جۇمىستارى جۇرگىزىلەدى.
كەزدەسۋ سوڭىندا قالا باسشىسى تۇرعىندار تاراپىنان كوتەرىلگەن باسقا دا ماسەلەلەر بويىنشا اۋدان اكىمى مەن سالا جەتەكشىلەرىنە ناقتى تاپسىرمالار جۇكتەپ، ورىندالۋىن بايانداۋدى مىندەتتەدى.
16 مىڭنان استام حالقى بار سپورت شاعىن اۋدانى مەن كىشى سامال شاعىن اۋدان تۇرعىندارى تابيعي گازبەن، اۋىز سۋمەن، ەلەكتر جارىعىمەن، كارىز جۇيەسىمەن جانە كوشەلەردىڭ اسفالت قاباتىمەن 100 پايىز قامتىلعان. ال، سپورت شاعىن اۋدانىنداعى ىشكى ورامدىق جولدار تولىق جارىقتاندىرىلعان بولسا، كىشى سامالدا 13 كوشەنىڭ 9-ى جارىقتاندىرىلعان.
