قازاقستان مەن رەسەي اسكەري اۋە كۇشتەرى 20 اقپاننان باستاپ 10 ناۋرىزعا دەيىن جوسپارلى بىرلەسكەن جاتتىعۋ وتكىزۋدە، دەپ حابارلايدى "ادىرنا" ۇلتتىق پورتالى قورعانىس مينيسترلىگىنە سىلتەمە جاساپ.
جاتتىعۋ قازاقستان رەسپۋبليكاسى مەن رەسەي فەدەراتسياسىنىڭ اۋە شابۋىلىنا قارسى قورعانىستىڭ بىرىڭعاي وڭىرلىك جۇيەسى اياسىندا ۇيىمداستىرىلعان.
ءىس-شارا بارىسىندا اۋە نىساندارىن انىقتاۋ جانە سۇيەمەلدەۋ، اۋە كەڭىستىگىن بۇزعان ۇشاقتاردى ۇستاپ قالۋ، ولاردى بەلگىلەنگەن اۋەجايلارعا قونۋعا ماجبۇرلەۋ مىندەتتەرى پىسىقتالۋدا.
ۆەدومستۆو مالىمەتىنشە، جاتتىعۋ جوسپارلى سيپاتقا يە جانە اۋە شابۋىلىنا قارسى قورعانىس اسكەرلەرىنىڭ ءوزارا ءىس-قيمىل دەڭگەيىن، جاۋىنگەرلىك ماشىعىن جانە دايىندىق دەڭگەيىن ارتتىرۋعا باعىتتالعان.
قورعانىس مينيسترلىگى ازاماتتاردى جانە باق وكىلدەرىن تەك رەسمي اقپارات كوزدەرىنە سەنۋگە، راستالماعان مالىمەتتەردى تاراتپاۋعا شاقىردى.
